نوبیل انعام یافتہ سائسندان مائیکل لیوٹ نے کورونا وائرس کے وبا میں کمی کی بڑی خوشخبری سنا دی

سچ ٹی وی  |  Mar 25, 2020

امریکی میڈیا رپورٹس کے مطابق نوبیل انعام یافتہ سائسندان مائیکل لیوٹ نے خوشخبری سناتے ہوئے کہا ہے کہ کورونا کے خلاف جنگ میں ٹرننگ پوائنٹ جلد آئے گا۔

کیمسٹری میں نوبیل انعام لینے والے اسٹینفورڈ یونیورسٹی کے بایولوجیکل پروفیسر نے بتایا کہ امریکا جلد دیکھا گا کہ کورونا سے نمٹنے کی لڑائی میں ٹرننگ پوائنٹ ہمارے اندازوں سے بھی پہلے آئے گا۔

ان کا کہنا ہے کہ میرے ماڈلز ان پیش گوئیوں کی حمایت نہیں کرتے جس کے مطابق کورونا وائرس مہینوں یا سالوں تک معاشرتی خلل پیدا کرے گا یا پھر اس سے لاکھوں اموات ہوں گی۔

مائیکل لیوٹ کا کہنا ہے کہ ہمیں گھبرانا نہیں ہے اور خود پر قابو رکھنا ہے ہمیں صرف افراتفری کو کنٹرول کرنے کی ضرورت ہے، ہمیں ساری توجہ نئے کیسز پر دینی ہے اور ریکوری کے ہر سائن کو دیکھنا ہے بجائے اس کے کہ ہم مجموعی تعداد کو دیکھتے رہیں۔

انہوں نے کہا کہ کورونا مریضوں کی تعداد میں اضافہ ہو رہا ہے مگر ساتھ ہی وبا کے پھیلاؤ میں کمی کی واضح علامات سامنے آرہی ہیں، امریکا میں لوگ دیکھیں گے جلد ٹرننگ پوائنٹ آئے گا جو کہ ہمارے اندازوں سے بھی پہلے آئے گا۔

واضح رہے کہ پروفیسر مائیکل لیوٹ نے پیش گوئی کی تھی کہ چین میں ماہ فروری میں کورونا وائرس کے مریضوں میں کمی آنا شروع ہو جائے گی، چین میں کورونا مریضوں کی تعداد 80 ہزار اموات 3250 ہوں گی۔

ان کی پیشگوئی حقیقت سے قریب تر ہے، چین میں کورونا مریضوں کی تعداد میں کمی آرہی ہے جب کہ مصدقہ کیسز کی تعداد 81 ہزار 588 اور اموات 3281 ہوئی ہیں۔a

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More