کورونا: سعودی عرب میں مزید 112 کیسز سامنے آگئے

ہم نیوز  |  Mar 26, 2020

ریاض: سعودی عرب میں کورونا وائرس کے مزید 112 کیسز سامنے آگئے ہیں۔ اس بات کی تصدیق سعودی عرب کی وزارت صحت نے کی ہے۔

سعودی وزارت صحت کے مطابق اب تک عالمی وبا قرار دیے جانے والے کورونا وائرس کے متاثرہ مریضوں کی تعداد 1012 ہو گئی ہے۔

دستیاب اعداد و شمارکے مطابق سعودی عرب میں اب تک کورونا وائرس سے متاثرہو کر تین افراد اپنی جان کی بازی ہار چکے ہیں۔

کورونا وائرس کی وجہ سے حفظ ماتقدم کے طور پر مکہ، مدینہ اوردارالحکومت ریاض میں مکمل کرفیو نافذ کیا جا چکا ہے۔ مسجد الحرام اور مسجد نبویﷺ کا توسیعی منصوبہ بھی روک دیا گیا ہے۔

دستیاب اعداد و شمار کے مطابق دنیا بھر میں کورونا وائرس سے ہونے والی ہلاکتوں کی تعداد 21,283 ہوگئی ہے جب کہ متاثرین کی تعداد چار لاکھ اڑسٹھ ہزار سے بڑھ چکی ہے۔

برطانوی جیل میں کورونا وائرس سے پہلی ہلاکت

دنیا میں ایک لاکھ 13 ہزار سے زائد ایسے افراد بھی ہیں جنہوں نے اپنی قوت مدافعت کے باعث اس مہلک مرض کو شکست سے دوچار کیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More