میرے خلاف سازش ہوئی ہے، اجمل وزیر

بول نیوز  |  Jul 11, 2020

سابق مشیر اطلاعات اجمل وزیر کا مبینہ آڈیو پر ردعمل سامنے آگیا ہے جس میں انہوں نے کہا ہے کہ میرے خلاف سازش ہوئی ہے۔

اجمل وزیر کا کہنا تھا کہ سازشیوں کی جانب سے راستہ روکنے کیلئے گھٹیا راستہ اپنا یا گیا اور آڈیو کو آیڈیٹ کا گیا ہے، مختلف میٹنگز سے آڈیوں کٹ کرکے یہ آڈیو بنایا گیا ہے۔

انہوں نے واضح طور پر کہا کہ مجھے بدنام کرنے کیلئے یہ کوشش کی گئی ہے لیکن سازش کرنے والوں کو  سامنے لاونگا۔

انہوں نے کہا ہے کہ جس معاملے پر مجھ پر تنقید کی جارہی ہے اس سے میرا تعلق نہیں ہے، اشتہارات محکمہ صحت کے تھے جسکا چئیر مین وزیر صحت ہے اور اس چیز کا اختیار میرے پاس نہیں تھا۔

مشیر اطلاعات خیبرپختونخوا اجمل وزیر مستعفیاجمل وزیر کا مزید کہنا تھا کہ کورونا وباء میں انہوں نے دن رات کام کیا، عید کی بھی چھٹی نہیں کی، اسپتالوں میں جاتا رہا۔

یاد رہے کہ مشیر اطلاعات خیبرپختونخوا نے عہدے سے دستبردار ہونے کا اعلان کرتے ہوئے اپنا استعفیٰ وزیراعلیٰ خیبرپختونخوا محمود خان کو بھجوادیا تھا۔

خیبرپختونخواحکومت کی جانب سے اعلامیہ بھی جاری کردیا گیا جس میں کہا گیا ہے کہ اجمل وزیرسے اطلاعات کا قلمدان واپس لے لیا گیا ہے جب کہ کامران بنگش کو اطلاعات کا قلمدان سونپا گیا ہے، کامران بنگش کے پاس بلدیات کا قلمدان بھی ہے۔

اجمل وزیر نےمستعفی ہونے کی وجہ بتاتے ہوئے کہا کہ ذاتی وجوہات کی بنا پر استعفیٰ دیا ہے، بحیثیت مشیر کام جاری نہیں رکھ سکتا، استعفیٰ وزیراعلیٰ کو بھجوادیا ہے۔

واضح رہے کہ 3 مارچ 2020 کو وزیر اطلاعات شوکت یوسفزئی کو ان کے عہدے سے ہٹا کر اجمل وزیر کو یہ قلمدان سونپا گیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More