دوسرا ٹیسٹ، پاکستان کا بیٹنگ کا فیصلہ، فواد عالم کی واپسی

بول نیوز  |  Aug 13, 2020

پاکستان نے انگلینڈ کے خلاف دوسرے ٹیسٹ میچ میں ٹاس جیت کر پہلے بیٹنگ کرنے کا فیصلہ کیا ہے۔

تفصیلات کے مطابق انگلینڈ کے خلاف تین ٹیسٹ میچز کی سیریز کے دوسرے میچ میں پاکستان نے ٹاس جیت کر  پہلے بیٹنگ کرنے کا فیصلہ کیا ہے۔

پاکستان ٹیم میں ایک تبدیلی کی گئی ہے۔ فواد عالم کی 11 سال بعد ٹیسٹ کرکٹ میں واپسی ہوئی ہے۔انہیں شاداب خان  کی جگہ ٹیم میں شامل کیا گیا ہے۔

دوسری جانب انگلینڈ کی ٹیم میں دو تبدیلیاں کی گئی ہیں۔ نجی وجوہات کی بنا پر سیریز سے دستبردار ہونے والے بین اسٹوکس کی جگہ زیک کرولی جبکہ جوفرا آرچر کی جگہ سیم کرن کو ٹیم میں شامل کیا گیا ہے۔

پاکستان ٹیم ان کھلاڑیوں پر مشتمل ہے:

اظہر علی(کپتان) ، شان مسعود، عابد علی، بابراعظم،اسد شفیق،فواد عالم، محمد رضوان،یاسر شاہ، محمد عباس، شاہین شاہ آفریدی اور نسیم شاہ

انگلینڈٹیم ان کھلاڑیوں پر مشتمل ہے:

جو روٹ(کپتان)، روری برنز، ڈوم سبلی،زیک کرولی، اولی پوپ، جوس بٹلر، کرس ووکس، سیم کرن، جیمز اینڈرسن ، ڈومینک بیس اور اسٹورٹ براڈ

یاد رہے کہ انگلینڈ کو تین میچز کی سیریز میں ایک صفر کی برتری حاصل ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More