بی آر ٹی کے بارے میں بہت زیادہ بدگمانی پھیلائی گئی

بول نیوز  |  Aug 13, 2020

معاون خصوصی شہباز گل کا بی آر ٹی منصوبے سے متعلق کہنا ہے کہ بی آر ٹی کے بارے میں بہت زیادہ بدگمانی پھیلائی گئی۔

تفصیلات کے مطابق وزیراعظم عمران خان کے معاون خصوصی شہباز گل نے پریس کانفرنس کے دوران بی آر ٹی منصوبے پر بات کرتے ہوئےکہا ہے کہ بی آر ٹی کے بارے میں بہت زیادہ بدگمانی پھیلائی گئی، مسلم لیگ نے ٹوئسٹ کر کے بی آر ٹی کو پیش کیا، مسلم لیگ ن تو سریا بیچنے میں ماہر ہے، مسلم لیگ ن کی مہارت اسی میں ہے جہاں سے وہ پیسہ بناسکیں۔

شہباز گل نے کہا ہے کہ لاہور میٹرو کا بی آر ٹی منصوبے سے موازنہ نہیں کیا جاسکتا، بی آر ٹی کے ساتھ بہت سارے فیڈر روٹس ہیں، بی آر ٹی کا مین روٹ 27 کلو میٹر اور فیڈر روٹس ساٹھ کلو میٹرز ہیں، بی آرٹی سے لاہور اور ملتان کے منصوبے بالکل مختلف ہے۔

معاون خصوصی نے کہا ہے کہ بی آرٹی میں شریف خاندان کا کمیشن اور سریا ہوتا تو تین سو ارب کا منصوبہ بن جاتا، اپوزیشن تو بی آر ٹی خراب کرنے کی کوشش کرتی ہے، بی آر ٹی میں لوکل ٹرانسپورٹرز سے بسیں خریدی گئیں، انہیں وظیفہ بھی دیا جارہا ہے، بی آرٹی منصوبے میں کچھ پوشیدہ نہیں۔

انہوں نے مزید کہا کہ وزیراعظم عمران خان کا وعدہ ہے پورا کردیا گیا، اس منصوبے پر احتساب کروانے کو تیار ہیں چاہے جب بھی کیا جائے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More