زمبابوے کرکٹ بورڈ کی آئندہ ماہ دورہ پاکستان کی تصدیق

92 نیوز  |  Sep 16, 2020

لاہور ( 92 نیوز) زمبابوے کرکٹ بورڈ نے آئندہ ماہ دورہ پاکستان کی تصدیق کردی ، چیئرمین زمبابوے بورڈ نے کہا کہ دورہ پاکستان کے لیے اجازت ملنے کا امکان روشن ہوگیاہے ، بہت جلد با ضابطہ اعلان بھی کردیا جائے گا،زمبابوے کی ٹیم دورہ پاکستان پر تین ون ڈے اور تین ٹی ٹوئنٹی میچز کھیلے گی۔

زمبابوے کرکٹ ٹیم کی پاکستان آنے کی امید روشن ، بورڈ حکام نے آئندہ ماہ دورہ پاکستان کی تصدیق کردی ۔ چیئرمین زمبابوے کرکٹ بورڈ تاوینگوا موکوہلانی  نے کہا کہ دورہ پاکستان کے لیے اجازت ملنے کا امکان روشن ہوگیا ہے حکومت سے جلد کلیئرنس مل جائے گی  جس کے بعد باضابطہ طور پر  اعلان کیا جائےگا۔

زمبابوے کرکٹ ٹیم کے 20 اکتوبر کو پاکستان پہنچنے کا امکان ہے ،دورہ پاکستان پر تین ون ڈے اور تین ٹی ٹوئنٹی میچز کھیلے جائیں گے۔

پاکستان کی جانب سے کورونا پروٹوکولز سمیت اپنی تیاریوں کا پلان زمبابوین بورڈ  کو پہلے ہی ارسال کیا جا چکاہے،ٹی ٹوئنٹی سیریز ملتان جبکہ ون ڈے سیریز راولپنڈی میں کھیلنے کا پلان ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More