فلسطین میں امارات اور بحرین کے خلاف مظاہرے، اسرائیل کے ساتھ تعلقات بحال کرنے والے فلطسنیوں کے غدار ہیں: مظاہرین

سچ ٹی وی  |  Sep 18, 2020

اسرائیل کے ساتھ تعلقات بحال کرنے والے عرب ملکوں کے خلاف فلسطینی سراپا احتجاج ہیں۔ غزہ میں متحدہ عرب امارات اور بحرین کے خلاف عوام سڑکوں پر نکل آئے، فلسطنیوں نے عرب حکمرانوں کے پوسٹر جلائے اور نعرے بازی کی۔

وائٹ ہاؤس کے باہر بھی فلسطین کے پرچم لہرائے گئے۔ مظاہرین نے امارات اور بحرین کی جانب سے اسرائیل کے ساتھ تعلقات بحال کرنے کی مذمت کی، شرکا نے عزم کیا کہ وہ فلسطین کی جدوجہد میں ان کے شانہ بشانہ کھڑے ہیں۔

روس کی وزارت خارجہ نے واضح کر دیا کہ عرب ملکوں اور اسرائیل کے درمیان معاہدے کو پائیدار امن سمجھنا غلطی ہوگی، فلسطین کا مسئلہ بدستور برقرار ہے۔

اسے حل کیے بغیرمشرق وسطیٰ میں امن کا قیام ممکن نہیں۔ روس نے مسئلہ فلسطین کو حل کرنے کے لئے مربوط کوششیں تیز کرنے پرزور دیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More