سردی کے موسم میں اکثر لوگوں کو بھوک زیادہ لگتی ہے اور کچھ نہ کچھ کھاتے رہتے ہیں کبھی سردی کی سوغات مونگ پھلی، کبھی کوئی دوسرا کھانا لیکن ایسے موسم میں اپنی صحت کے ساتھ ساتھ خوراک کا بھی خیال رکھنا بہت ضروری ہوتا ہے۔ ایسی غذائیں بھی استعمال کریں جن کو سردی میں کھانا بہت فائدہ مند ہوتا ہے۔

٭ چقندر:

چقندر میں ایک کیمیائی جز Betin پایا جاتا ہے، یہ خون کو بڑھانے کا کام کرتا ہے اور سردیوں میں آپ کے جسم میں ٹھنڈ سے بچانے میں مدد دیتے ہیں۔

٭ گاجر:

گاجر میں بیٹا کیروٹن پایا جاتا ہے جو کہ بینائی کی تیزی اور آنکھوں کے مسائل کو کنٹرول کرنے میں آپ کی مدد کرتا ہے لیکن ساتھ ہی اس کو سردی میں کھانے سے آپ خود کو مختلف قسم کے وائرل سے بچا سکتے ہیں ساتھ ہی مدافعتی نظام کو بوسٹ کرنے میں مدد ملتی ہے۔

٭ شلجم:

شلجم میں وٹامن سی اور ڈی سمیت، میگنیشیئم اور زنک پایا جاتا ہے۔ جو ہمیں سردی اور نزلہ زکام سمیت کھانسی اور گلے کی خراش سے بچاتا ہے۔

٭ شقرقندی:

اس میں فائبر ، بیٹا کروٹین ، وٹامن اے اور سی سمیت ایسے اینٹی آکسیڈنٹ ہوتے ہیں جو جسم کو توانائی بھی دیتے ہیں اور پھیپھڑوں کی اچھی صحت کے لئے بھی اہم ہیں۔

٭ آلو:

آلو میں اسٹارچ، میگنیشئم، فولک ایسڈ ، وٹامن سی اور پوٹاشیئم پایا جاتا ہے جو سردی میں کھانے سے مختلف دردوں سے نجات کا ذریعہ بنتا ہے۔

Visit to news source webpage