نوازشریف کا والدہ کی میت کے ساتھ پاکستان آنے کا امکان نہیں

بول نیوز  |  Nov 22, 2020

سابق وزیراعظم میاں محمد نوازشریف کا والدہ کی میت کے ساتھ پاکستان آنے کا امکان نہیں ہے۔

تفصیلات کے مطابق ذرائع اہل خانہ کی جانب سے جاری بیان میں کہا گیا ہے کہ سابق وزیراعظم میاں محمد نوازشریف کا والدہ کی میت کےساتھ پاکستان آنےکاامکان نہیں۔

واضح رہےکہ شریف برادران کی والدہ شمیم بیگم آج انتقال کر گئیں جولندن میں اپنے بیٹے میاں نواز شریف کے پاس رہائش پذیر تھی۔

ذرائع مسلم لیگ ن کا کہنا ہے کہ شمیم اختر کی میت پاکستان لانے یا نہ لانے کے حوالے سے تاحال کوئی فیصلہ نہیں ہو سکا ہے۔

ذرائع کے مطابق نواز شریف کی والدہ کی طبیعت گزشتہ ایک ماہ سے ہی خراب تھی لیکن گزشتہ چند روز سے ان کی طبیعت بہت زیادہ خراب تھی۔

سابق صدر آصف علی زرداری اور چیئرمین پیپلز پارٹی بلاول بھٹو زرداری سمیت دیگر رہنماؤں نے نواز شریف سے تعزیت اور دلی ہمدردی کا اظہار کیا۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More