’پیار کا اس سے کیا لینا دینا‘جمائما کی فلم میں سجل علی نظر آئیں گی

اردو نیوز  |  Jan 16, 2021

پاکستان کی ٹی وی اور فلم کی معروف اداکارہ سجل علی، وزیراعظم پاکستان عمران خان کی سابق اہلیہ جمائما گولڈ سمتھ کی فلم میں اداکاری کے جوہر دکھائیں گی۔

جمائما گولڈ سمتھ کے ٹوئٹر اکاؤنٹ کے مطابق وہ اس فلم ’Whats love got to do with it‘ (پیار کا اس سے کیا لینا دینا) کی پروڈیوسر ہیں جبکہ اس کی کہانی بھی انہوں نے ہی تحریر کی ہے جبکہ انڈیا سے تعلق رکھنے والے شیکھر کپور فلم کے ڈائریکٹر ہیں۔

شیکھر کپور ’مسٹر انڈیا‘ اور ’دل سے‘ جیسی فلموں کی ڈائریکشن دے چکے ہیں اور 2007 میں ان کی فلم ’الزبتھ: دی گولڈن ایج‘ آسکر ایوارڈ حاصل کر چکی ہے۔

 جمائما کی اس فلم کی شوٹنگ لندن کی مختلف لوکیشنز پر جاری ہے اور اطلاعات کے مطابق سجل علی بھی لندن میں فلم کی شوٹنگ میں مصروف ہیں۔

اس رومانوی کامیڈی فلم ’وٹس لو گاٹ ٹُو ڈُو وِد اِٹ‘ میں انڈیا کی سینیئر اداکارہ شبانہ اعظمی کو بھی کاسٹ کیا گیا ہے۔ ان کے علاوہ برطانوی اداکارہ ایما تھامپسن اور لِلی جیمز اور شہزاد لطیف بھی فلم کی کاسٹ میں شامل ہیں۔

جمائما گولڈ سمتھ نے اپنے ٹوئٹر اکاؤنٹ پر فلم کی کاسٹ کی تفصیل بھی شیئر کی جس پر سوشل میڈیا صارفین نے بھی اظہار خیال کیا ہے۔

 

Shabana Azmi and Sajal Ali ⭐️⭐️⭐️⭐️ https://t.co/VtRhojGI9b

— Jemima Goldsmith (@Jemima_Khan) January 15, 2021

ٹوئٹر صارف عامرہ نے سجل علی کو فلم میں کاسٹ کرنے کے اقدام کو سراہتے ہوئے کہا ہے کہ ’انہیں فلم کا انتظار ہے۔‘

عریبہ خان نے لکھا کہ ‘سجل علی ہمارا اثاثہ ہیں اور ہمیں ان پر فخر ہے۔‘

Sajal is our precious assetWe proud of you #SajalAly pic.twitter.com/Cyl2kyBI0o

— Areeba Khan (@khanareebazai) January 15, 2021

ایک ٹوئٹر صارف ملیل خرم نے تو جمائما کی ان کے سابق شوہر وزیراعظم پاکستان عمران خان کے ساتھ ان کی تصویر بھی شیئر کر دی۔

pic.twitter.com/OKvxOrqyiW

— Malil Khurram (@khurram_malil) January 15, 2021

ایک ٹوئٹر صارف خرم نے ازراہ مذاق کہا کہ ’آپ کی اطلاع کے لیے عرض ہے کہ نواز شریف نے لندن میں ہیں۔‘

عائشہ مہناس نے جمائما کو مخاطب کرتے ہوئے لکھا کہ ’میری خواہش ہے کہ میں بھی اس پروجیکٹ کا حصہ ہوں، آپ دوسروں کے لیے قابل تقلید اور زبردست شخصیت ہیں۔‘

Wish I can be part of you project too ... you are a big inspiration and an amazing person

— ayesha minhas (@MinhasAyesha) January 15, 2021

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More