ایلون مسک کا سوملین ڈالر انعام دینے کا اعلان

ہم نیوز  |  Jan 22, 2021

 ٹیسلا کے بانی اور دنیا کے امیر ترین شخص ایلون مسک نے اعلان کیا ہے کہ جو کوئی فضا سے کاربن ڈائی آکسائیڈ گیس کو نکالنے کی نئی ٹیکنالوجی بنائے گا اس کوسو ملین ڈالر انعام دیا جائے گا۔

کاربن ڈائی آکسائیڈ کو ماحول دشمن گیس کہا جا تا ہے اورسائنس دانوں کے مطابق فضا میں اس کی مقداردن بہ دن بڑھ رہی ہے۔

ایلون مسک کا کہنا ہے کہ جو بھی ٹیکنالوجی کے نئے دروازے کھولے گا وہ انعام کا حق دار ہو گا۔

ان کا کہنا ہے کہ آج تک صرف کاربن ڈائی آکسائیڈ کے اخراج کو کم کرنے پر توانائی صرف کی گئی ہے لیکن فضا سے اس کو کشید کرنے پر زیادہ پیش رفت نہیں ہوئی۔ انہوں نے کہا کہ اس کے متعلق مزید تفصیل آئندہ ہفتے فراہم کی جائے گی۔

ماہرین کے مطابق فضا کے ہر دس لاکھ مالیکیولز میں سے 400 کاربن ڈائی آکسائیڈ کے ہیں۔ انسانی سرگرمیوں کے باعث ہر سال فضا میں تقریباً 40 ارب ٹن کاربن ڈائی آکسائیڈ کا اضافہ ہوتا ہے، جس کی سب سے بڑی وجہ ایندھن کا جلنا ہے۔

زمین پر موجود ہرانسان ،جانور اور سمندری حیات کاربن ڈائی آکسا ئیڈ خارج کرتی ہے، تاہم ان کی مقدار دیگر ذرائع سے پیدا ہونے والی کاربن ڈائی آکسائیڈکی نسبت بہت کم ہے۔

تیل وگیس سے چلنے والے بجلی گھر، کاریں، سیمنٹ پلانٹ اور دیگر صنعتیں سب سے زیادہ کاربن ڈائی آکسائیڈ خارج کرتی ہیں۔

فضا سے کاربن ڈائی آکسائیڈ کو کم کیے بغیر موسمیاتی تبدیلیوں کے اثرات سے باہر نہیں نکل سکتے اور اس کے لیے ہمیں عالمی درجہ حرارت کو انڈسٹریل دور سے پہلے کے در جہ حرارت، یعنی موجودہ درجہ حرارت سے دو ڈگری سینٹی گریڈ کم پر لانا ہوگا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More