ڈوین جانسن کی امریکی صدارت میں دلچسپی کے حوالے سے انڈرٹیکر کا ردِ عمل

بول نیوز  |  Feb 22, 2021

ہالی وڈ سپر اسٹار ڈوین جانسن نے مستقبل میں امریکی صدارت کے لئے دلچسپی کا اظہار کیا تھا۔

ڈوین جانسن نے کہا کہ وہ اس حوالے سے بہت سنجیدہ ہیں، مستقبل میں امریکی صدارتی انتخاب میں حصہ لینے پر غور کروں گا اگر لوگوں نے چاہا تو۔

متعلقہ خبرامریکی صدارتی انتخاب میں حصہ لینے پر غور کروں گا، ڈوین جانسن

 ہالی وڈ سپر اسٹار ڈوین جانسن نے مستقبل میں امریکی صدارت کے...

غیر ملکی خبر رساں ادارے کے مطابق ڈوین جانسن کی جانب سے امریکی صدارت میں دلچسپی کے اظہار پر ریسلنگ سے ریٹائرمنٹ لینے والے لیجنڈ ریسلر دی انڈرٹیکر نے کہا ہے کہ ڈوین جانسن امریکا کے لوگوں کو متحد کرسکتا ہے۔

لیجنڈ ریسلر دی انڈرٹیکر نے کہا کہ دی راک واقعی میدان میں اترتا ہے تو انہیں اس فیصلے پر حیرانی نہیں ہوگی۔

انڈرٹیکر نے کہا کہ ڈوین جانسن کی شخصیت بہت ہی دلکش ہے، وہ جو بھی کام کرتا ہے دل سے کرتا ہے۔

انہوں نے کہا کہ مجھے پتا ہے کہ اس میں جذبہ بھی ہے اور مجھے ایسا لگتا ہے کہ وہ لوگوں کو متحد کرنے والا بن سکتا ہے جس کی لوگوں کو تلاش ہے۔

انڈرٹیکر نے مزید کہا کہ میں اس حوالے سے نہیں جانتا، بہت کچھ ہونے کے امکانات ہیں، اگر ڈوین جانسن نے امریکی صدارت سے متعلق فیصلہ کیا تو میں اسکی کوششوں کی مکمل حمایت کروں گا۔

انہوں نے مزید کہا کہ لوگ اب بھی ڈوین جانسن کو’ راک‘ ہی کہتے ہیں۔

واضح رہے کہ ڈوین جانسن نے مستقبل میں امریکی صدارت کے لئے دلچسپی کا اظہار کیا تھا تاہم انہوں نے اس فیصلے کو مکمل طور پر لوگوں کی خواہشات سے جوڑ دیا ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More