جوتا نگلنے والے مگرمچھ کی سرجری

ہم نیوز  |  Feb 23, 2021

امریکی ریاست فلوریڈا کے زولوجیکل پارک میں ایک مگر مچھ اس وقت مشکل میں پڑگیا جب اوپر سے گزرنے والے ایک زپ لائنر کے پاؤں کا جوتا مچھ کے منہ میں جا گرا۔

یہ بھی پڑھیں: 

زپ لائنر کا جوتا مگر مچھ کے معدے میں پھنس گیا جس سے وہ سخت تکلیف میں مبتلا ہوگیا۔ مگرمچھ کی تکلیف دیکھ کر ڈاکٹروں نے اس کی سرجری کر کے جوتا نکالنے کا فیصلہ کیا۔

یونیورسٹی آف فلوریڈا کالج آف ویٹرنری میڈیسن کے ڈاکٹرز کا کہنا ہے کہ 11 فٹ طویل مگر مچھ کو 5 فروری کو لایا گیا تھا۔

ڈاکٹروں نے عالمی میڈیا کو بتایا کہ ابتدا میں مگر مچھ نے جوتے کو اگل دیا تھا تاہم کچھ دیر بعد وہ اسے دوبارہ کھا گیا جس کے بعد جوتا مگرمچھ کے معدے میں پھنس گیا۔

ڈاکٹرز نے مگر مچھ کو قے کروانے کی کوشش بھی کی لیکن جوتا باہر نہ نکل سکا جس کے بعد اس کی سرجری کرنی پڑی۔

یہ بھی پڑھیں: 

سرجری کے بعد مگر مچھ ایک رات ڈاکٹرز کی نگرانی میں رکھا گیا، اس کے اگلے دن اسے واپس اس کے انکلوژر میں منتقل کردیا گیا جہاں پارک کا عملہ اس کی دیکھ بھال کر رہا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More