لاہور، قبضہ مافیا کا سرپرست پولیس افسر گرفتار

سماء نیوز  |  Feb 25, 2021

لاہور میں قبضہ مافیا کی پشت پناہی کرنے والا پولیس کا تھانیدار نکلا۔ بزرگ شہری  کو جھوٹے مقدمے میں پھنسا کر اس کے گھر پر قبضہ کرایا مگر معاملہ کھل کر سامنے آیا تو تھانیدار کو حوالات کی ہوا کھانا پڑ گئی۔

لاہور کے حسن ٹاون کے رہائشی ستر سالہ بزرگ محمد عبداللہ پر سبزہ زار پولیس اسٹیشن کے تھانیدار نے مقدمہ درج کرکے اسے اشتہاری تک قراردے دیا۔

محمد عبداللہ نے بتایا کہ مجھے چالیس سال اس گھر میں ہوگئے ہیں، یہ 1982 میں خریدا ہے۔ اس وقت سے یہ لوگ مجھ ےدھمکا رہے ہیں۔ شہباز نام کے تفتیشی افسر نے کہا بابا تم پر بھی مقدمہ ہے بیٹھ جاؤ۔ آپ لوگوں کا علاج کرلیتے ہیں، جب تمھاری چھترول ہوگی سب کچھ چھوڑ دوگے اور مان بھی جاؤگے۔

جعلی مقدمہ کے بعد قبضہ گروپ سے سازباز کرکے اس کے گھر پر قبضہ کروانے کی کوشش کی گئی لیکن شائد تھانیدار کا کام کچا تھا۔

محمد عبداللہ کا کہنا ہے کہ قبضہ اس طرح چھوٹا کہ ون فائیو پر کال کی پولیس آگئی۔ اس کے بعد صاحب کی فورس آگئی جس نے ہمارا قبضہ بحال کروایا۔

ون فائیو پرایک کال سے پولیس حرکت میں آئی۔ افسران نے کارروائی کرتے ہوئے تھانیدار شہباز اور ایک کانسٹیبل کو گرفتار کرکے حوالات میں بند کردیا جس پر بزرگ شہری شکریہ ادا کرنے سی سی پی او کے پاس پہنچ گیا۔

سی سی پی او غلام محمود ڈوگرنے بتایا کہ دو تین روز پہلے بزرگ شہری کے مکان پر قبضہ ہوا تھا جس پر کارروائی کرتے ہوئے تھانیدار کو گرفتار کیا گیا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More