اسلام آباد: تجارتی و تفریحی سرگرمیوں پر عائد اوقات کار کی پابندی ختم

ہم نیوز  |  Feb 25, 2021

اسلام آباد: وفاقی دارالحکومت اسلام آباد میں تجارتی و تفریحی سرگرمیوں پر عائد اوقات کار کی پابندی ختم کردی گئی ہے۔ اسلام آباد میں عالمی وبا قرار دیے جانے والے کورونا وائرس کی وجہ سے اوقات کار کی پابندی عائد کی گئی تھی۔

ہم نیوز کے مطابق وفاقی دارالحکومت اسلام آباد میں تجارتی و تفریحی سرگرمیوں پر عائد اوقات کار کی پابندی ختم کرنے کا نوٹی فکیشن جاری کردیا گیا ہے۔

اسلام آباد انتظامیہ کی جانب سے جاری کردہ نوٹی فکیشن کے مطابق 15 مارچ سے ان ڈورشادی کی تقاریب منعقد کرنے کی اجازت ہو گی۔

جاری کردہ نوٹی فکیشن کے مطابق 15 مارچ سے تمام مزارات اور سینما گھروں کو بھی کھولنے کی اجازت دے دی گئی ہے۔

ہم نیوز کے مطابق اسلام آباد کے حوالے سے جاری کردہ نوٹی فکیشن میں کہا گیا ہے کہ دفاترمیں 50 فیصدعملہ رکھنے کی پابندی بھی ختم ہو گئی ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More