صدرنےایچ ای سی ترمیمی آرڈیننس2021 کی منظوری دیدی

سماء نیوز  |  Apr 08, 2021

فائل فوٹو

صدر مملکت نے ہائر ایجوکیشن کمیشن ترمیمی آرڈیننس2021 کی منظوری دے دی ہے۔

آرڈیننس کے تحت ایچ ای سی کی خود مختاری ختم کردی گئی ہے، جس کا اطلاق 26 مارچ سے ہوگا۔ آرڈیننس کے مطابق ایچ ای سی کے تمام فیصلے وزارت تعلیم کی منظوری سے مشروط ہونگے۔

چیئرمین ایچ ای سی کی تعیناتی 2 سال کیلئے ہوگی، جب کہ ایچ او سی ممبران کی تعیناتی 4 سال کیلئے ہوگی۔

آرڈیننس میں یہ بھی کہا گیا ہے کہ چیئرمین اور ممبران ایچ ای سی مزید ایک ٹرم بھی لے سکیں گے۔ آرڈیننس ہائیر ایجوکیشن کمیشن کے نام سے ہی کام کرتا رہے گا۔

واضح رہے کہ حکومت نے سابق چیئرمین ایچ ای سی طارق بنوری کو 26 مارچ کو عہدے سے ہٹایا تھا۔ جس کے بعد وفاق کی جانب سے ہائیر ایجوکیشن کمیشن (ایچ ای سی) کو باقاعدہ طور پر وزارتِ تعلیم کے ماتحت کرنے کا فیصلہ کیا گیا۔

ایچ ای سی سے متعلق آرڈیننس صدر کو منظوری کیلئے بھیجا گیا تھا، جس کے بعد آج 8 اپریل کو آڑڈیننس جاری کیا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More