جنوبی افریقہ سیریز میں کامیابی پر پوری ٹیم خوش ہے، مصباح الحق

ہم نیوز  |  Apr 08, 2021

قومی کرکٹ ٹیم کے ہیڈ کوچ مصباح الحق نے کہا ہے کہ جنوبی افریقہ سیریز میں کامیابی پر پوری ٹیم خوش ہے۔ 

مصباح الحق کا کہنا تھا کہ ساوَتھ افریقہ میں کنڈیشنز مشکل ہیں، جیت ضروری تھی، سیریز جیتنے پر ٹیم سمیت نوجوان کپتان بابر اعظم کے اعتماد میں اضافہ ہو گا۔

یہ بھی پڑھیں: 

قومی کرکٹ ٹیم کے ہیڈ کوچ نے کہا کہ فخر زمان نے بہترین کھیل پیش کیا جس سے ان کے اعتماد میں اضافہ ہوا ہوگا، شاداب خان کی پرفارمنس اچھی نہیں رہی اس میں بہتری آنی چاہیے۔

مصباح الحق کا کہنا تھا کہ قومی فاسٹ باولرز باصلاحیت ہیں، فہیم اشرف کی شمولیت سے ٹیم کو فائدہ پہنچا، فخر زمان کو پرفارمنس کی وجہ سے ٹی ٹوئنٹی میں شامل کیا۔

قومی کرکٹ ٹیم کے ہیڈ کوچ مصباح الحق کا کہنا تھا کہ سرفراز احمد نے میچ میں ضرورت کے مطابق کھیلنے کی کوشش کی۔

خیال رہے کہ پاکستان نے جنوبی افریقہ کو تیسرے ون ڈے میچ میں شکست دے کر تین میچوں پر مشتمل سیریز دو ایک سے جیت لی تھی۔

سنچورین کے میدان میں کھیلے جانے والے میچ میں جنوبی افریقہ پاکستان کی جانب سے دیا گیا 321 رنز کا ہدف حاصل کرنے میں ناکام رہی اور پوری ٹیم 292 رنز پر آوٹ ہو گئی۔ اس طرح پاکستان نے تیسرا ون ڈے میچ 28 رنز سے جیت لیا۔

یہ بھی پڑھیں: 

جنوبی افریقہ کی جانب سے جان من مالان نے 70، کائل وئیرائن 62 اور اینڈی لے فلی کائیو نے 54 رنز کی اننگز کھیلی۔ پاکستان کی جانب سے شاہین شاہ اور محمد نواز نے تین تین جب کہ حارث روف نے دو کھلاڑیوں کو آوٹ کیا۔

تین میچوں میں لگاتار دو میں سنچری اسکور کرنے پر فخر زمان کو مین آف دی سیریز کا ایوارڈ دیا گیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More