پاک فوج کی کور کمانڈرز کانفرنس ، قومی و خطے کی سلامتی صورتحال کا جائزہ

بول نیوز  |  Apr 08, 2021

جی ایچ کیو میں پاک فوج کی 240 ویں کور کمانڈرز کانفرنس ہوئی ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ اعلامیہ کے مطابق جی ایچ کیو میں پاک فوج کی 240 ویں کور کمانڈرز کانفرنس ہوئی ہے، جس کی صدارت آرمی چیف جنرل قمر جاوید باجوہ نے کی ہے۔

CCC chaired by #COAS held at GHQ today. The participants undertook a comprehensive review of global, regional & domestic security environment. Forum expressed confidence in operational preparedness of the Army displayed during recently held formation exercises. Forum held (1/5) pic.twitter.com/ULY1zxqGpw

— DG ISPR (@OfficialDGISPR) April 8, 2021

ترجمان پاک فوج کے مطابق کور کمانڈرز کانفرنس میں عالمی، علاقائی، ملکی سیکیورٹی ماحول کا جامع جائزہ لیا گیا ہے جبکہ خیبر پختونخوا میں حال ہی میں شامل ہونے والے قبائلی اضلاع کی سیکیورٹی صورتحال کا تفصیلی جائزہ بھی لیا گیا۔

آئی ایس پی آر نے بتایا کہ کور کمانڈرز کانفرنس میں شرکاء نے افغان امن عمل میں مثبت پیش رفت پر اظہار اطمینان کیا ہے جبکہ شرکاء کو دوست ممالک کے ساتھ فوجی روابط پر بھی بریفنگ دی گئی ہے۔

ترجمان پاک فوج کے مطابق کور کمانڈرز کانفرنس میں ملک کی داخلی سیکیورٹی، کورونا کی جاری تیسری لہر کا بھی جائزہ لیا گیا ہے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More