اب آپ اپنی گمشدہ چیزیں آسانی سے ڈھونڈ سکیں گے

ہم نیوز  |  Apr 21, 2021

ایپل نے ایک ایئر ٹیگز نامی ایسی ڈیوائس تیار کر لی جس کی مدد سے آپ اپنی گمشدہ چیز ڈھونڈ سکیں گے۔

غیر ملکی خبر رساں ایجنسی کے مطابق ایپل نے ایئر ٹیگز کا افتتاح کر دیا اور اب آپ اپنی کوئی بھی گمشدہ چیز “فائنڈ مائی” ایپ کی مدد سے تلاش کر سکیں گے۔

ان ایئر ٹیگز کو آپ اپنی چابیوں، پرس اور دیگر اشیا سے منسلک کریں گے اور جونہی آپ اپنی منسلک کردہ چیزوں سے دور ہوں گے تو آپ کو ایپ کے ذریعے نوٹیفکیشن آجائے گا۔

یہ ایک چھوٹی سے ڈیوائس ہے جو آپ کے آئی فون یا آئی پیڈ سے منسلک رہے گی۔ یہ ڈیوائس انسانوں کی تلاش کے لیے کارآمد نہیں ہے اور نہ ہی اس سے کسی کی پرائیویسی متاثر ہو گی بلکہ یہ بے جان چیزوں کی تلاش کے لیے ہے۔

یہ بھی پڑھیں: 

ایک ڈیوائس کی قیمت 29 ڈالر رکھی گئی ہے تاہم چار ڈیوائس کی قیمت 99 ڈالر ہے۔ اس کی ایڈوانس بکنگ جمعہ سے شروع ہو جائے گی اور 30 اپریل سے اس ڈیوائس کی فراہمی شروع کر دی جائے گی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More