کورونا کی نئی لہر تیزی سے پھیل رہی ہے، وزیر صحت سندھ

بول نیوز  |  Apr 21, 2021

صوبائی وزیر صحت سندھ ڈاکٹر عذرا پیچوہو نے کہا ہے کہ کورونا کی نئی لہر تیزی سے پھیل رہی ہے جو زیادہ خطرناک ہے۔

تفصیلات کے مطابق صوبائی وزیر صحت سندھ ڈاکٹر عذرا پیچوہو نے اپنے ایک بیان میں عوام کو خبردار کیا ہے کہ کورونا کا برطانوی ویرینٹ وائرس تیزی سے پھیل رہا ہے، ملک کے دیگر صوبوں کے بعد سندھ میں بھی کورونا کے یوکے ویرینٹ کیسز رپورٹ ہوئے ہیں۔

صوبائی وزیر صحت سندھ نے کہا کہ کراچی میں کی جانے والی جینومیک اسٹڈی کے مطابق 50فیصد سیمپلز میں یوکے ویرینٹ کی تصدیق ہوئی ہے۔

ڈاکٹر عذرا پیچوہو نے یہ بھی کہا کہ سندھ سے پہلے پنجاب اور خیبرپختو نخوا میں اس وائرس سے متاثر ہونے کی وجہ سے اموات ہوئی ہیں۔

صوبائی وزیر صحت سندھ کا کہنا تھا کہ 50 سال سے زیادہ عمر کے افراد خود کو 1166 پر رجسٹرڈ کر کے ویکسین لگوائیں تا کہ وائرس سے محفوظ رہ سکیں۔

ڈاکٹر عذرا پیچوہو کا یہ بھی کہنا تھا کہ عید کی وجہ سے شاپنگ اور دیگر خریداری کے دوران رش کے اوقات میں وائرس کے تیزی سے پھلنے کا خطرہ ہے رش کے دوران احتیاط سے کام لیں۔

صوبائی وزیر صحت سندھ ڈاکٹر عذرا پیچوہو کا مزید کہنا تھا کہ کورونا سے بچاؤ کی ویکسینیشن کے لیے مختص سینٹرز افطاری کے بعد بھی کھلے رہیں گے۔

-->
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More