بھارت میں کورونا نے تباہی مچا دی، گنگا میں لاشیں تیرنے لگیں

ہم نیوز  |  May 10, 2021

بھارت میں مبینہ طور پر عالمی وبا کورونا وائرس سے ہلاک ہونے والے افراد کی لاشیں دریائے گنگا میں تیرنے لگیں۔

غیر ملکی خبر رساں ادارے کی رپورٹ کے مطابق چالیس سے زائد افراد کی لاشیں گنگا میں تیرتی ہوئی بھارتی ریاست بہار اور اتر پردیش کے کنارے پر آ گئیں۔

مقامی میڈیا نے دعویٰ کیا ہے کہ یہ لاشیں کورونا وائرس سے ہلاک ہونے والے افراد کی ہیں جب کہ ان کی تعداد 100 تک ہے۔

بتایا گیا کہ یہ لاشوں کی حالت سے معلوم ہوتا ہے کہ یہ ایک ہفتے سے دریا میں تہر رہی تھیں۔

مقامی عہدیدار کے مطابق چند لاشیں آدھی جلی ہوئی تھیں جب کہ چند کے پیٹ میں پانی بھرا ہوا تھا۔

انھوں نے یہ بھی بتایا کہ ہم لاشیں نکال کر ان سے متعلق کارروائی کر رہے ہیں، تاہم یہاں یہ بھی پتا لگانے کی ضرورت ہے کہ یہ آئی کہاں سے ہیں۔

ان کا کہنا تھا کہ یہ لاشیں یہاں کی نہیں لگ رہیں، کیونکہ ہارے یہاں مردے کو دریا میں بہانے کی روایت موجود نہیں ہے۔

 

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More