وزیراعظم کے ازبکستان والے بیان پرعلی گل پیرکی نقالی وائرل

سماء نیوز  |  Jul 20, 2021

تصویر: سماء ڈیجیٹل

مختلف شخصیات کی مزاحیہ پیروڈی کیلئے معروف کامیڈین،گلوکارومیزبان علی گل پیر نے ایک بار پھر وزیراعظم عمران خان کا انتخاب کیا ہے۔

علی گل پیرنے تازہ طبع آزمائی وزیراعظم کے دورہ ازبکستان کے دوران دیے جانے والے بیان پرکی ہے جس میں انہوں نے وہاں کی تاریخ کے حوالے سے بات کی تھی۔

وزیراعظم کا کہنا تھا کہ وہ تاریخ کے طالب علم رہ چکے ہیں اور ازبکستان کی تاریخ یہاں کے باسیوں سے زیادہ بہتر جانتے ہیں۔ اس بیان کی نقالی علی گل پیر نے ایسے دلچسپ اندازمیں کی کہ سوشل میڈیا صارفین محظوظ ہوئےبغیرنہ رہ سکیں۔

View this post on InstagramA post shared by Ali Gul Pir (@therealaligulpir)

ویڈیو پرمنیبہ مزاری، اداکارہ انوشے اشرف سمیت دیگرمعروف شخصیات نے بھی تبصرے کیے۔

سوشل میڈیا پرعلی گل پیرکی ویڈیو خوب وائرل ہورہی ہے۔

یہ پہلاموقع نہیں کہ علی نے وزیراعظم کے کسی بیان پرپُرمزاح ویڈیو بنائی ہو، اس سے قبل وہ 4 مارچ کو پارلیمنٹ سے اعتماد کا ووٹ حاصل کرنے سے قبل وزیر اعظم عمران خان کے قوم سے کیے جانے والے خطاب پربھی ویڈیوشیئرکرچکےہیں۔

وزیراعظم، مہنگے انڈے اور علی گل پیر

گزشتہ سال انہوں نے انڈوں کی قیمت میں اضافے پروزیراعظم کے بیان کے تناظرمیں مہنگائی کا الزام مرغیوں کے سر دھردیا تھا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More