ویکسین لگوانے والوں کیلئے بڑی خوشخبری؛ حکومت نے زبردست اعلان کردیا

بول نیوز  |  Jul 30, 2021

امریکی شہر نیویارک کے میئر نے شہر میں لوگوں کی زیادہ سے زیادہ تعداد کو عالمی وبا سے محفوظ رکھنے کے لیے کورونا ویکسین لگوانے والے افراد کو 100 ڈالر انعام دینے کی پیشکش کا اعلان کردیا ہے۔

بین الاقوامی ذرائع ابلاغ کے مطابق نیویارک کے میئر بل ڈے بلازیو نے گزشتہ روز ایک پریس کانفرنس میں مذکورہ اعلان کرتے ہوئے کہا کہ اس سے بہتر کچھ نہیں ہوسکتا ہے۔

رپورٹ کے مطابق آج سے شروع ہونے والی اس پیشکش کے تحت نیویارک شہر کے ویکسی نیشن سینٹرز میں اپائٹمنٹ لینے والے شہریوں اور ملازمین کو یہ انعام نقدی کی صورت میں دیا جائے گا۔

پریس کانفرنس میں شریک ایک عہدیدار نے بتایا کہ کورونا ویکسین کا پہلا ڈوز لگوانے والے افراد کو ایک پری پیڈ ڈیبٹ کارڈ ارسال کیا جائے گا یا فوری طور پر ای میل کے ذریعے ڈیجیٹلی فراہم کیا جائے گا۔

نیویارک کے میئر کا مزید کہنا تھا کہ میں ذاتی طور اس بات کی ضمانت دیتا ہوں کہ اسی وقت آپ کو انعام دیا جائے گا، میرا خیال ہے کہ اس سے لوگوں میں بہت بڑی تبدیلی آنے والی ہے۔

Adsense 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More