پی آئی اے کاکابل کیلئے معمول کافلائٹ آپریشن شروع نہ کرنیکافیصلہ

سماء نیوز  |  Sep 15, 2021

فائل فوٹو

پاکستان انٹرنیشنل ایئرلائنز (پی آئی اے) نے افغانستان کیلئے معمول کا فلائٹ آپریشن شروع نہ کرنے کا فیصلہ کیا ہے۔ ترجمان کے مطابق کل کوئی پرواز کابل نہیں جائے گی۔

پاکستان انٹرنیشنل ایئر لائنز کے ترجمان کا کہنا ہے کہ پی آئی اے نے کابل کیلئے معمول کا فلائٹ آپریشن شروع نہ کرنے کا فیصلہ مسافروں کی کم تعداد کے باعث کیا ہے۔

ترجمان کے مطابق پی آئی اے کی کل (بدھ کو) کوئی پرواز کبل نہیں جائے گی، چارٹرڈ پرواز بھی مطلوبہ تعداد نہ ہونے کے باعث نہیں چلائی جارہی۔

انہوں نے بتایا کہ کابل کیلئے صرف خصوصی پروازیں آپریٹ کی جارہی ہیں۔

واضح رہے کہ افغانستان میں طالبان حکومت کے قیام کے بعد پاکستان انٹرنیشنل ایئر لائنز (پی آئی اے) کی پہلی پرواز 13 ستمبر کو مسافروں کو لے کر کابل گئی اور وہاں سے مسافروں کو واپس لائی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More