پاکستان کرکٹ ٹیم 5 برس بعد بنگلہ دیش کا دورہ کرے گی: پی سی بی

اردو نیوز  |  Sep 15, 2021

پاکستان کرکٹ بورڈ (پی سی بی) نے اعلان کیا ہے کہ ’قومی کرکٹ ٹیم پانچ سال بعد بنگلہ دیش کا دورہ کرے گی جہاں تین ٹی 20 انٹرنیشنل میچز اور دو ٹیسٹ میچ کھیلے جائیں گے۔‘

دونوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہوں گے۔

پاکستن اور بنگلہ دیش کے درمیان ٹی 20 انٹرنیشنل میچز 19، 20 اور 21 نومبر کو شیر بنگلہ سٹیڈیم ڈھاکہ میں کھیلے جائیں گے۔

پی سی بی کے مطابق دونوں ٹیموں کے درمیان ٹیسٹ سیریز کا پہلا میچ ظہور احمد چوہدری سٹیڈیم چٹاگانگ میں کھیلا جائے گا۔ یہ میچ 26 سے 30 نومبر تک جاری رہے گا۔

Pakistan men to travel to Bangladesh after five years

More details: https://t.co/FlxwFETEWU#BANvPAK | #HarHaalMainCricket pic.twitter.com/61QZCqdTrU

— Pakistan Cricket (@TheRealPCB) September 14, 2021

سیریز کا دوسرا ٹیسٹ میچ چار سے آٹھ دسمبر تک ڈھاکہ میں کھیلا جائے گا۔

آئی سی ورلڈ ٹیسٹ چیمپئن شپ میں پاکستان کی ٹیم ایک جیت کے ساتھ فی الحال دوسرے نمبر پر موجود ہے جبکہ بنگلہ دیش نے چیمپئن شپ میں اپنے سفر کا آغاز ابھی نہیں کیا۔

قومی کرکٹ ٹیم کی بنگلہ دیش روانگی کی تاریخ کا اعلان بعد میں کیا جائے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More