شہر اقتدار میں لاک ڈاؤن میں نرمی کا اعلان

بول نیوز  |  Sep 15, 2021

اسلام آباد میں  کورونا پھیلاؤ کو روکنے کیلئے اقدامات کئے گئے ہیں جبکہ متعدد پابندیاں ختم کردی گئ ہیں۔

تفصیلات کے مطابق اسلام آبادکے ہوٹلوں میں ان ڈور اور آؤٹ ڈور ڈائننگ کی اجازت دیدی گئی ہے۔

ذرائع کا کہنا ہے کہ اسلام آبادمیں کاروباری مراکز رات 10 بجے تک کھولنے کی اجازت ہوگی،رات 10 بجے کے بعد کاروباری مراکز کھولنے کی اجازت نہیں ہوگی۔

ضلعی انتظامیہ نے شادی ہالزکھولنے کی اجازت دے دی ہے،شادی ہالزکے اندرہونے والے فنکشنزمیں 200 ویکسینیٹڈ افراد کو شرکت کی اجازت ہوگی۔

ضلعی انتظامیہ کے مطابق شادی ہالز میں آؤٹ ڈور تقریب کیلئے 400 افراد کی اجازت ہوگی جبکہ شادی ہالز رات 10 بجے بندکردئیے جائیں گے۔

ضلعی انتظامیہ نے تفریحی پارکس اور سوئمنگ پولز کو 50فیصد کپیسٹی تک کھولنے کی اجازت دی ہے،تفریحی پارکز اور سوئمنگ پولز میں صرف ویکسینیٹڈ لوگوں کو جانے کی اجازت ہوگی۔

ذرائع کا کہنا ہے کہ تمام درباروں کو ویکسینیٹڈ  لوگوں کیلئے کھول دیا گیا ہے تاہم تمام شہریوں کو ماسک پہننا لازمی ہوگا۔

 اسلام آباد میں بین الصوبائی اور اندرون شہر ٹرانسپورٹ کو بھی کھول دیا گیا ہے،ٹرانسپورٹ میں50 فیصد سواریاں بٹھانا ہوں گی

شہرمیں تمام جمز کو کھولنے کی بھی اجازت دے دی گئی ہے جبکہ اسلام آبادمیں تمام سینما ہالز بندرہیں گے۔

وفاقی دارالحکومت میں اتوار کے دن ہرقسم کا کاروبار بندرہے گا۔

AdPushup 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More