ہماری اپنی فوج کافی ہے،آذربائیجان کا ایران کے بیان پر ردعمل

سماء نیوز  |  Oct 15, 2021

آذربائیجان کی وزارت خارجہ کی ترجمان لیلا عبداللہیفا نے ایرانی وزیر خارجہ امیر حسین عبداللہیان کے اس الزام کو بے بنیاد قرار دے دیا جس میں انہوں نے کہا تھا کہ آذربائیجان متنازعہ علاقے میں جنگجو اور دہشت گرد جمع کررہا ہے۔

ایرانی وزیر خارجہ نے آذربائیجان  پر الزام عائد کیا تھا کہ گزشتہ موسم خزاں میں جنگ کے دوران نگورنو کاراباخ علاقے میں اس کی طرف سے کرائے کے فوجی اور دہشت گرد لائے گئے تھے۔

ترجمان کے مطابق آذربائیجان کے صدر الہام علیوف نے کہا ہے کہ انہیں کرائے کے فوجیوں کی ضرورت نہیں ہے کیوں کہ ان کی اپنی ایک لاکھ سے زیادہ فوج موجود ہے۔

آذربائیجان کی وزارت خارجہ کی ترجمان نے ایرانی وزیر پرسخت تنقید کرتے ہوئے ان سے مطالبہ کیا کہ وہ آذربائیجان کے خلاف بے جا الزام تراشی اور بہتان لگانے کا سلسلہ بند کریں۔

انہوں نے کہا کہ یہ بے بنیاد الزامات آذربائیجان کی سرزمین میں ایرانی ٹرکوں کے غیر قانونی داخلے کو روکنے اور آذربائیجان کی اپنی اراضی قبضے سے چھڑانے کی وجہ سے عائد کیے جارہے ہیں۔

آذربائیجان کی وزارت خارجہ کے ترجمان نے کہا کہ جو لوگ دہشت گردوں کو تلاش کرنا چاہتے ہیں ان کے لیے ہمارا مشورہ یہ ہے کہ وہ اپنے ارد گرد دیکھیں۔

واضح رہے کہ گزشتہ دنوں آذربائیجان کی سرحد پر ایرانی مشقوں کے باعث تہران اور باکو کے درمیان اختلافات سامنے آئے تھے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More