بھارت کے خلاف ٹیم کامبی نیشن اہم ہوگا،انضمام الحق

بول نیوز  |  Oct 20, 2021

پاکستان کرکٹ ٹیم کے سابق چیف سلیکٹر انضمام الحق نے کہا ہے کہ بھارت کے خلاف ٹیم کامبی نیشن اہم ہوگا۔

تفصیلات کے مطابق قومی کرکٹ ٹیم کے سابق چیف سلیکٹر انضمام الحق کا کہنا تھا کہ بیٹنگ میں شروع سے ہی اچھا کھیل کر حریف ٹیم کو دباؤ میں رکھیں۔

آئی سی سی ٹی ٹوئنٹی ورلڈ کپ میں پاکستان کے بھارت کے خلاف پہلے میچ سے متعلق انضمام الحق نے ایک انٹرویو میں کہا کہ شاداب خان، شعیب ملک اور محمد حفیظ کا رول اہم ہوگا، جتنا ہمارے کھلاڑیوں نے یو اے ای میں کرکٹ کھیلی، کسی اور ٹیم نے نہیں کھیلی ہوگی۔

انضمام الحق نے کہا کہ ٹیم اب متوازن ہے اچھی کارکردگی دیکھنے میں آئے گی، پلیئرز کی فارم کے ساتھ بطور ٹیم بھی کارکردگی اچھی ہونی چاہیے۔

ٹیسٹ کرکٹر سہیل تنویر نے کہا کہ شاہین آفریدی اور حسن علی ہماری پہلی ترجیح ہونی چاہیے، پاور ہٹرز ہر میچ میں پرفارمنس نہیں دے سکتے، آصف علی اس طرح کی کارکردگی نہ دکھا سکے جیسی ان سے توقع ہے۔

مشتاق احمد کا اپنے تبصرے میں کہنا تھا کہ یو اے ای کی پچز پر ہمیں اسمارٹ ہو کر کھیلنا پڑے گا۔

Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More