لاہور: نوکری کا جھانسہ دیکرخاتون کا ریپ کرنیوالا ملزم گرفتار

سماء نیوز  |  Oct 27, 2021

فائل فوٹو

لاہور میں خاتون کو نوکری کا جھانسہ دیکر ریپ کرنے والے ملزم کی درخواست ضمانت مسترد ہونے پر پولیس نے گرفتار کرلیا۔

متاثرہ خاتون کے ساتھ ریپ کا واقعہ 2فروری کو لاہور کی انٹرنیشنل مارکیٹ میں پیش آیا تھا جس پر 21فروری کو تھانہ فیصل ٹاؤن تھانے میں دفعی 376 کے تحت مقدمہ درج کیا گیا۔

مقدمہ درج ہونے کے بعد ملزم ریاض نے سیشن کورٹ میں عبوری ضمانت دائر کی تھی جسے مسترد کیا گیا تھا، تاہم ملزم نے عبوری ضمانت کے لیے لاہور ہائی کورٹ سے رجوع کیا جسے آج ہائیکورٹ کے جسٹس طارق سلیم شیخ نے مسترد کر دیا۔

پولیس رپورٹ اور میڈیکل رپورٹس کی روشنی میں ملزم کی دونوں عدالتوں سے درخواست ضمانت مسترد ہونے پر پولیس نے احاطہ عدالت سے ملزم ریاض کو گرفتار کر لیا۔

متاثرہ خاتون کا کہنا ہے کہ ملزم کو جیل بھیج کر سکون مل گیا، ملزم ریاض کو سزا دلوا کر دم لوں گی۔ ملزم سے صلح نہیں کروں گی تاکہ ایسے عناصر خواتین کو کبھی دوبارہ اپنی درندگی کا نشانہ نہ بنا سکے۔

ملزم کے خلاف درج مقدمہ

متاثرہ خاتون نے مقدمے میں بتایا کہ ملزم ریاض نے نوکری کے لیے 2فروری کو پہلے ماڈل ٹاؤن پارک بلوایا اور پھر وہاں سے رکشہ میں بیٹھ کر انٹرنیشنل مارکیٹ پہنچے جہاں ملزم نے اپنے بڑے افسر سے ملنے کا کہا۔

متاثرہ خاتون کے مطابق افسر سے ملاقات کے لیے اوپر گئی تو ملزم نے میرا موبائل چھین کر کمرے میں بند کر دیا، جس کے بعد مجھے پانی دیا گیا جس کو پینے کے بعد نیم بیہوش ہوگئی۔

ملزم نے نیم بیہوشی کی حالت میں خاتون کا ریپ کرکے اسے چھوڑ دیا، اس دوران خاتون چیخ و پکار بھی کرتی رہی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More