موبائل فون سارفین کے لیے اچھی خبر

بول نیوز  |  Nov 27, 2021

پاکستان ٹیلی کمیونکیشن اتھارٹی (پی ٹی اے) نے موبائل فون سے کی جانے والی کال سستی کردی۔

پاکستان ٹیلی کمیونیکیشن اتھارٹی (پی ٹی اے) کی جاری کردی اعلامیہ کے مطابق یکم جنوری 2022 سے موبائل ٹرمینیشن ریٹ (ایم ٹی آر) 0.70 روپے فی منٹ سے کم کر کے 0.50 روپے فی منٹ کر دیا ہے۔

یہ نرخ یکم جولائی 2022 سے مزید کم ہو کر 0.40 روپے فی منٹ ہو جائیں گے، ایم ٹی آر میں کمی ٹیلی کام شعبے کے ساتھ مکمل مشاورت کے بعد کی گئی ہے۔

پی ٹی اے کو توقع ہے کہ ایم ٹی آر میں کمی سے صارفین” مفت منٹ آف نیٹ بنڈلز “جیسی مزید مسابقتی اور جدید پیشکشوں سے فائدہ اٹھا سکیں گے ۔

جبکہ توقع ہے کہ یہ آف نیٹ کالوں کے کم نرخوں کے ذریعے مارکیٹ کے لئے بھی فائدہ مند ثابت ہو گا۔

اس کے علاوہ چھوٹے آپریٹروں کوبڑے آپریٹروں کو کی جانے والی ادائیگیوں میں بھی اس حوالے سے فائدہ ہوگا۔

جولائی 2021 میں پی ٹی اے نے ایک مشاورتی مقالہ جاری کیا تھا جس سے یہ بات سامنے آئی کہ پاکستان میں موجودہ ایم ٹی آر یعنی 0.70 روپے فی منٹ اب بھی 2018 کی ایم ٹی آر روپے ڈٹر منیشن اور خطے میں رائج ایم ٹی آرز کے بینچ مارکنگ نتائج سے زیادہ ہے۔

ٹیلی کام شعبے کی سماعت اور مکمل تجزیہ کے بعد، پی ٹی اے کی جانب سے پاکستان اور اے جے کے/جی بی میں موبائل نیٹ ورکس سے دیگر موبائل نیٹ ورکس یا فکسڈ نیٹ ورکس (یعنی مقامی، طویل اور بین الاقوامی آنے والی کالوں) کے لیے ایم ٹی آر کا تعین کیا گیا ہے۔

جو کہ جنوری سے جون 2022 تک 0.50 روپے فی منٹ ، جولائی 2022 سے جون 2023 تک 0.40 روپے فی منٹ اورجولائی 2023 کے بعد 0.30 روپے فی منٹ ہو ں گے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More