کورونا کی نئی قسم، مسافروں کے لیے نیا سفری ہدایت نامہ جاری

بول نیوز  |  Nov 28, 2021

کورونا وائرس کی نئی قسم کے پیش نظر سول ایوی ایشن اتھارٹی(سی اے اے) نے مسافروں کے لیے نیا سفری ہدایت نامہ جاری کردیا ۔

تفصیلات کے مطابق کورونا وائرس کی نئی قسم اومی کرون کے پیش نظر سول ایوی ایشن نے کیٹگری سی ممالک سے متعلق نیا سفری ہدایت نامہ جاری کیا ہے، پابندی والے ممالک سے آنے والے مسافروں کو نیشنل کمانڈ اینڈ آپریشن سینٹر(این سی او سی) سے اجازت نامہ درکار ہوگا۔

سی اے اے کی جانب سے جاری کردہ نوٹیفکیشن کے مطابق کیٹگری سی ممالک سے پاکستان آنے پر پابندی ہے۔

نوٹیفکیشن کے مطابق پابندی والے ممالک سے آنے والے مسافروں کو این سی او سی اجازت نامہ درکار ہوگا جبکہ مکمل کویڈویکسینیشن کا ثبوت بھی لازمی دیکھنا ہوگا۔

نوٹیفکیشن میں کہا گیا ہے کہ سفر سے 72گھنٹے قبل پی سی آر ٹیسٹ کی منفی رپورٹ لازمی قرار دی گئی ہے جبکہ کیٹگری سی ممالک میں موجود پاکستانی5دسمبر تک اجازت نامہ کے بغیر واپس آسکیں گے۔

نوٹیفکیشن میں مزید کہا گیا ہے کہ مسافروں کے وطن پہنچنے پر ٹیسٹنگ اور قرنطینہ قوانین کا مکمل اطلاق ہوگا۔

یادرہے کہ کیٹگری سی ممالک میں ہانگ کانگ، جنوبی افریقا، عراق، نمیبیا اور یوکرین سمیت 17ممالک شامل ہیں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More