چیف الیکشن کمشنر کی ڈپٹی چیئرمین پلاننگ کمیشن سے ملاقات

بول نیوز  |  Dec 01, 2021

چیف الیکشن کمشنر نے ڈپٹی چیئرمین پلاننگ کمیشن سے ملاقات کی ہے، جس میں ملاقات میں الیکٹرونک وٹنگ مشین کی اسٹوریج کے حوالے سے جگہ کے معاملے پر غور کیا گیا۔

اس موقع پر سیکریٹری الیکشن کمیشن اور سیکریٹری پلاننگ کمیشن نے بھی موجود تھے۔

ذرائع کے مطابق ملاقات میں الیکشن کمیشن کی ڈیٹا بیس اسٹوریج کے متعلق امور پر بات چیت کی گئی، ملاقات میں الیکشن کمیشن کی پراجیکٹ منیجمنٹ کی جگہ کے متعلق امور پر بھی بات چیت ہوئی۔

ذرائع کے مطابق الیکشن کمیشن کی جانب سے پراجیکٹ مینجمنٹ کے لیے 20 افراد کی بھرتی کا فیصلہ کیا گیا، ساتھ ہی الیکشن کمیشن نے الیکٹرانک ووٹنگ مشین کی اسٹوریج کے لیے جگہ دینے کی بھی منظوری دے دی۔

جگہ دینے کے لیے منظوری الیکشن کمیشن کے ڈیپارٹمنٹل ڈیویلپمنٹ ورکنگ پارٹی نے دی۔

الیکشن کمیشن کی ڈی ڈی ڈبلیو پی نے عمارت کے لیے 2 کروڑ 23 لاکھ روپے کی منظوری دے دی، تاہم عمارت کے لیے ابھی تک پلاننگ کمیشن نے رقم کی منظوری نہیں دی۔

الیکشن کمیشن نے ای وی ایم کی اسٹوریج کے منصوبے کی منظوری پلاننگ کمیشن سے مانگ لی، پلاننگ کمیشن نے جنوری، فروری میں اسٹوریج منصوبے کی منظوری دلانے کی یقین دہانی کروادی۔

پلاننگ کمیشن کے حکام کا کہنا ہے کہ الیکشن کمیشن کے منصوبے کی این ای سی میں مکمل حمایت کریں گے۔

ذرائع الیکشن کمیشن کا کہنا ہے کہ الیکشن کمیشن کو ای وی ایم کی تین سے چار لاکھ تعداد کو اسٹور کرنا ہوگا، الیکشن کمیشن کے پنجاب میں علاقائی، ضلعی دفاتر کے لیے بھی تاحال منظوری نہیں ہوسکی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More