ہم بے گناہوں کو جلا کر جہاد کررہے ہیں، نبی ﷺ کی تعلیمات کچھ اور ہیں، مولانا طارق جمیل

بول نیوز  |  Dec 07, 2021

معروف مذہبی اسکالر مولانا طارق جمیل کو کہنا ہے کہ انسان ایک ایسی مخلوق ہے جو جاہل پیدا ہوتا ہے۔

راولپنڈی میں منعقدہ کانفرنس سے خطاب میں مولانہ طارق جمیل نے کہا کہ اللہ تعالیٰ فرماتے ہیں ہم نے انسان کو دنیا میں بھیجا، تم کچھ نہیں جانتے تھے، سانپ چیونٹی پیدا ہوتے ہی سیکھ جاتے ہیں، کتے کو زخم لگتا ہے تو چاٹنے لگ جاتا ہے اس کو معلوم ہے کہ زخم ٹھیک ہونا شروع ہوجائے گا۔

مولانہ طارق جمیل نے کہا کہ ایک دنیا اللہ نے ہمارے سامنے کھول دی اور ایک دنیا چھپا لی، حضرت عیسیٰ علیہ السلام کے مطابق دنیا تین دن کی ہے، جو دن گزر گیا وہ کبھی واپس نہیں آئے گا، آنے والا دن کسی کو پتا نہیں قبر میں ہوگا یا باہر، اور ایک دن ہمارا حال ہے۔

مولانہ طارق جمیل نے اپنے خطاب میں کہا کہ معاشرے میں ہر جگہ ظلم ہے، زندگی تو موت سے شروع ہوتی ہے، ہمیں ترجیحات طے کرنا ہوں گی کہ ہم نے ایک دن اللہ کے سامنے حاضر ہونا ہے، اگر ترجیحات میں اللہ اور اس کے نبی ﷺ کو لائیں گے تو ہماری سوچ تبدیل ہوجائے گی۔ل

ان کا مزید کہنا تھا کہ انسان دولت اور نسل سے بڑھا نہیں بنتا، انسان اچھے اخلاق سے بڑھا بنتا ہے، برائی کا جواب اچھائی سے دو، انسانیت کی معراج اس کی اپنی صفات ہیں۔

مولانہ طارق جمیل کہتے ہیں کہ رسول اللہ ﷺ نے فرمایا ہمیشہ سچ بولنا، کسی کو دھوکا نہ دینا، اخلاق اچھے کرلو، رزق حلال کماو، ہم بے گناہوں کو جلا کر جہاد کررہے ہیں، میرے نبی ﷺ کی تعلیمات کچھ اور ہیں، ہمارا دین حسن اخلاق اور غصے کو پی جانا سکھاتا ہے، اقلیت کے ساتھ حسن سلوک ہماری آخرت بنانے کا بہت بڑا ذریعہ ہے۔

انہوں نے کہا کہ ہم اگر اندھیرے دور نہیں کرسکتے تو اپنے حصے کی شمع ضرور جلائیں، 20، 21 سال سے محبت کا درس دے رہا ہوں مگر کوئی فرق نہیں پڑ رہا، مگر اپنے حصے کی شمع جلا رہا ہوں۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More