بچپن سب ہی کا حسین ہوتا ہے اور اُن حَسین یادوں کو تصویروں میں قید کر لیا جاتا ہے تاکہ جب دل کرے تو اُن پرانی تصویروں کو دیکھ لیا جائے۔
سوشل میڈیا پر اداکار، سیاستدانوں، کھلاڑیوں اور یگر مشہور شخصیت کی جانب سے سوشل میڈیا ایپلیکیشن پر اپنے بچپن کی تصاویر مداحوں کے ساتھ شئیر کی جاتی رہتی ہیں۔
اب ویسے ہی ایک اور مشہور شخصیت کے بیٹے نے اپنی یادگار پرانی تصویر سوشل میڈیا پر اپ لوڈ کی ہے۔
اب بتایئے اوپر موجود تصویر میں یہ ننھا بچہ کون ہے اور یہ کس مشہور سیاستدان کا بیٹا ہے؟
پیلی قمیض میں کیمرے کی جانب معصومانہ انداز میں دیکھتے ہوئے اس بچے کو کیا آپ پہچان پائے۔ اگر نہیں تو آیئے ہم آپ کو بتاتے ہیں۔
مذکورہ تصویر میں موجود بچہ اور کوئی نہیں بلکہ پاکستان مسلم لیگ کی نائب صدر مریم نواز کے صاحبزادے جنید صفدر کی ہے۔
جنید صفدر نے اپنے سوشل میڈیا اکاؤنٹ پر بچپن کی یہ خوبصورت تصویر ’ایک دفعہ کا ذکر ہے ‘ کے عنوان کے ساتھ شیئر کی ہے جو مداحوں کو بہت پسند آرہی ہے۔
خیال رہے ان دنوں جنید صفدر کی شادی کی تقریبات کا سلسلہ جاری ہے۔ ان کا ولیمہ 18 دسمبر کو ہوگا۔