بھارتی معروف اداکارہ کترینہ کیف کئی دنوں سے اپنی شادی کی خبروں کی وجہ سے سوشل میڈیا کا حصہ تھیں اور بالآخر ان کی شادی اداکار وکی کوشل سے 9 دسمبر کو راجھستان کے ’سکس سینز ریزورٹ‘ میں ہوگئی۔
وکی کوشل بھی بھارت کے جانے مانے اداکار ہیں لیکن پتا نہیں کیوں کترینہ کے فینز ان کی اور وکی کی شادی سے ناخوش ہیں۔ غالباً اس کی ایک وجہ یہ ہے کہ وکی سے پہلے کترینہ کی سلمان خان اور رنبیر کپور سے دوستی کے چرچے تھے اور لگتا تھا کہ کترینہ ان سے شادی کریں گی لیکن اچانک ہی انھوں نے کوئی اطلاع دیے بغیر وکی کوشل کو اپنا جیون ساتھی چن لیا جس ہر مداحوں کے دل ٹوٹ گئے۔
کسی کو کترینہ کی وکی سے شادی پر اعتراض تھا تو کسی کو شادی کے اس قدر خفیہ رکھا جانے پر اعتراض تھا۔ مداحوں نے اس موقع پر دلچسپ میمز بھی بنائے جو ہم اپنے پڑھنے والوں کے لئے پیش کررہے ہیں۔