این ایف ٹی پر تین دن میں 400 ملین ڈالر کی سیل

بول نیوز  |  Jan 13, 2022

ڈیجیٹل اثاثوں کی خرید و فروخت کرنے والی این ایف ٹی ( نان فنجائی ایبل ٹوکن) کے مارکیٹ پلیس لکس ریئر کی سیلز صرف تین دنوں میں تقریبا ً400 ملین ڈالر کے قریب پہنچ چکی ہے۔

کرپٹو کرنسی کے بارےمیں خبریں دینے والی ویب سائٹ کوائن ٹیلیگراف کے مطابق خریداروں کی جانب سے لاروا لیبس کی جانب سے تخلیق کیے گئے Meebits  کلیکشن کے ’ لکس ریئر‘ میں دلچسپی بڑھ رہی ہے۔

لکس ریئر این ایف ٹی کمیونٹی کا پہلا مارکیٹ پلیس ہے جس کے اندر نیلامی میں ٹریڈرز، کلیکٹرز اور تخلیق کاروں نےگرم جوشی کے ساتھ حصہ لیا۔

رپورٹ کے مطابق اس وقت این ایف ٹی پر ’اوپن سی ‘ کے نام سے موجود ڈیجیٹل اثاثہ بھی لوگوں کی توجہ کا مرکز بن رہا ہے اور گزشتہ سال اوپن سی کی سیلز تقریبا 10 ارب ڈالر پہنچنے کی پیش گوئی کی گئی تھی۔

لکس ریئر مارکیٹ پلیس میں بنیادی سیلز پر دو فیصد جب کہ این ایف ٹی پیسز کی نجی سیلز پر کوئی فیس نہیں لی جاتی۔

واضح رہے کہ این ایف ٹی پر پیش کی گئی مصنوعات میں لوگوں کی دلچسپی دن بہ دن بڑھ رہی ہے۔ اور دنیا بھر میں ڈیجٹل اثاثوں کی فروخت میں اضافہ ہورہا ہے۔ گزشتہ ماہ این ایف ٹی پر ’ میری کرسمس‘ کے نام سے بھیجے گئے دنیا کے پہلے ایس ایم ایس کو ڈیڑھ لاکھ ڈالر میں نیلام کیا گیا۔ جب کہ اس سے قبل وکی پیڈیا کی پہلی ایڈیٹنگ کاپی بھی ساڑھے سات لاکھ ڈالر میں نیلام ہوئی تھی۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More