دنیا کے ایسے کئی ممالک ہیں جہاں ایسی کئی چیزیں موجود ہیں جو کہ انسان کو حیرت میں مبتلا کر دیتی ہے۔ وہ تاریخی ہونے کے ساتھ ساتھ اپنی منفرد ہونے کی وجہ سے بھی مشہور ہیں۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر حکیم بابر نامی فیس بک پیج پر ایک ویڈیو اپلوڈ کی گئی تھی جس میں عین موسیٰ سے متعلق بتایا جا رہا تھا۔ عین موسیٰ وہ مقام ہے جہاں حضرت موسیٰ علیہ السلام نے عصاء مارا تھا، جس سے ان کی قوم کے لیے پانی کا چشمہ پھوٹ پڑا تھا۔
اردن کے شہر پیٹرا میں واقع یہ مقام عین موسیٰ کے نام سے مشہور ہے جہاں یہ چشمہ واقع ہے، ایک اندازے کے مطابق شہر کو پانی کا ایک اہم ذریعہ یہی چشمے کو قرار دیا جاتا ہے، اس چشمے کو حضرت موسیٰ علیہ السلام سے منسوب کیا جاتا ہے۔
ایک بڑے پتھر جس میں کئی سوراخ موجود ہیں، اس پتھر کے نیچے سے پانی بہتا رہا ہے جو کہ پیٹرا شہر کے رہنے والوں کے لیے کسی نعمت سے کم نہیں ہے۔
پیٹرا شہر سے موجود اس مقام کو وادی موسیٰ بھی کہا جاتا ہے، ویڈیو میں بتایا جا رہا ہے کہ جب حضرت موسیٰ اپنی قوم کے ساتھ اس مقام پر پہنچے تھے تو کھانے پینے کو کچھ نہیں تھا، اسی لیے اللہ تعالٰی نے من و سلویٰ اور پانی اس مقام پر اتارا تھا۔ حضرت موسیٰ نے اپنے عصے کی مدد سے پتھر میں سے پانی کا چشمہ نکالا تھا۔
اس پتھر کے 12 سوراخ تھے جس میں سے پانی نکلتا تھا، لیکن اب چونکے اس جگہ کو محفوظ بنانا ہے اسی لیے اب اس اب پانی نیچے کی طرف سے نکلتا ہے۔ وقت کی تبدیلی کے ساتھ ساتھ انداز میں بھی تبدیلی رونما ہو رہی ہے۔