آصف زرداری اور مولانا فضل الرحمان کے درمیان سیاسی رابطے بحال

بول نیوز  |  Jan 16, 2022

سابق صدر اور پاکستان پیپلز پارٹی کے شریک چئیرمین آصف علی زرداری اور سربراہ پی ڈی ایم مولانا فضل الرحمان  کے درمیان سیاسی رابطے بحال ہونا شروع ہوگئے ہیں۔

ذرائع کے مطابق آصف زرداری کی فون کے ذریعے فضل الرحمان    سے سیاسی تعاون پر گفتگو ہوئی ہے۔

مولانا فضل الرحمان کے ذرائع کے مطابق فضل الرحمان نے گفتگو میں گلے شکوے کیے اور کہا کہ پیپلزپارٹی ہمیشہ بیوفائی کرجاتی ہے۔

  فضل الرحمان   نے مشرف دور اور سینیٹ الیکشن میں پیپلزپارٹی کے رویے کا شکوہ کیا اور ساتھ ہی پی ڈی ایم کی تحریک کی ناکامی بھی پیپلزپارٹی کے کھاتے میں ڈالی۔

دوسری جانب آصف زرداری نے استعفوں کی شرط کو پی ڈی ایم کی ناکامی سے تعبیر کیا۔

واضح رہے کہ گفتگو بے تکلف اور دوستانہ پیرائے میں ہوئی جبکہ آصف زرداری اور فضل الرحمان میں رابطے جاری رکھنے کا بھی فیصلہ کیا گیا ہے۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More