ملک بھر میں کورونا وائرس کی خراب صورتحال کے پیش نظر این سی او سی کے اجلاس میں تعلیمی اداروں کے حوالے سے اہم اعلان سامنے آیا ہے۔
تفصیلات کے مطابق 'نیشنل کمانڈ اینڈ آپریشن سینٹر' کی جانب سے کورونا وائرس کیسز میں اضافے کو مد نظر رکھتے ہوئے تعلیمی اداروں کے حوالے سے کہا گیا کہ 10 فیصد سے زائدشرح والے شہروں کے اسکولوں میں 50فیصد بچوں کو جانے کی اجازت ہوگی۔
اعلامیے میں کہا گیا کہ 10فیصد سے زائدشرح پر 12سال سےکم بچوں کی نصف تعداد اسکول جاسکے گی جبکہ 12 سال سے زیادہ عمر والے بچے 100 فیصد طلبا اسکول جائیں گے۔
این سی او سی کا کہنا ہے کہ ملک بھر کے تعلیمی اداروں میں بھرپور کورونا ٹیسٹنگ آئندہ 2ہفتے ہو گی جبکہ بلند شرح والے تعلیمی ادارے ایک ہفتہ بند رکھےجائیں گے۔