ٹیسٹ سیریز کے بعد بھارت کو پہلے ون ڈے میں جنوبی افریقہ کے ہاتھوں شکست

بول نیوز  |  Jan 19, 2022

ٹیسٹ سیریز ہارنے کے بعد بھارت کو جنوبی افریقہ نے پہلے ون ڈے میں 31 رنز سے شکست دے دی ہے۔

تفصیلات کے مطابق جنوبی افریقہ نے ٹاس جیت کر پہلے بیٹنگ کرنے کا فیصلہ کیا،جنوبی افریقہ نے مقررہ 50 اوورز میں  4 وکٹوں کے نقصان پر  296 رنز بنائے اور بھارت کو جیت کے لئے 297 رنز کا ہدف دیا۔

جنوبی افریقہ کی جانب سے رسی وینڈر ڈوسن نے شاندار ناقابل شکست 129 رنز کی اننگ کھیلی،ان کی اننگ میں 4 چھکے اور 9 چوکے شامل تھے،کپتان ٹیمبا بوواما نے 110 رنز بنائے جبکہ ڈی کوک نے 27 رنز کی اننگ کھیلی۔

بھارت کی جانب سے جسپرتھ بمراہ نے 2 وکٹیں حاصل کیں جبکہ ایشون نے 1 کھلاڑی کو آؤٹ کیا۔

ہدف کے تعاقب میں  بھارت کی ٹیم 8 وکٹوں کے نقصان پر 265 رنز بناسکی۔

بھارت کی جانب سے شیکھر دھون نے 79 رنز کی اننگ کھیلی،ویرات کوہلی 51،شاردل ٹھاکر ناقابل شکست  50 جبکہ کپتان کے ایل راہول صرف 12 رنز بنا سکے۔

جنوبی افریقہ کی جانب سے تبریز شمسی،پھیلکوایو اور لنگی نگیدی نے 2،2 کھلاڑیوں کو پویلین کی راہ دکھائی جبکہ ایڈن مرکرم نے 1 کھلاڑی کو آؤٹ کیا۔

ڈوسین کو 129 رنز کی ناقابل شکست  اننگ کھیلنے پر میچ کا بہترین کھلاڑی قرار دیا گیا۔

Square Adsence 300X250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More