کپتانی نہ لینے کا مشورہ، شاہین شاہ نے شاہد آفریدی کی کیوں نہیں سنی؟

ہم نیوز  |  Jan 19, 2022

قومی ٹیم کے فاسٹ بولر شاہین شاہ آفریدی نے سابق کپتان شاہد آفریدی کی جانب سے ایک دو سال کپتانی نہ لینے کا مشورہ نہ ماننے کی وجہ بتا دی۔

نجی ٹی وی کو دئیے گئے انٹرویو میں انہوں نے کہا کہ میری لالہ سے کپتانی کے موضوع پر بات ہوئی تھی، انہوں نے مشورہ دیا تھا کہ ابھی کپتانی مت لو کیونکہ وہ سمجھتے تھے کہ اس سے میری بولنگ اثرانداز ہو گی۔

شاہین شاہ آفریدی نے کہا کہ جب انسان کو موقع ملے تو اسے ضرور حاصل کرنا چاہئے ۔

ان کا کہنا تھا کہ لاہور قلندرز نے مجھے بہت پیار دیا ہے، میں 2018 سے اس ٹیم کے ساتھ ہوں۔ جو چیزیں مجھے چاہیں تھیں وہ اس نے مہیا کی، اور مجھ پر اعتماد کا اظہار کیا۔

انہوں نے کہا کہب طور ایمرجنگ پلیئر اس ٹیم میں شامل ہوا اور اب میں اس ٹیم کا کپتان ہوں۔ لاہور قلندرز کی کپتانی ملنا ایک بہت بڑی ذمہ داری ہے، یہ ایک چیلنج ضرور ہے مگر محمد حفیظ اور فخر زمان کی ٹیم میں موجودگی سے آسانی ہو گی۔

یاد رہے کہ چند روز قبل قومی کرکٹ ٹیم کے سابق کپتان شاہد آفریدی نے اپنے ایک انٹرویو میں کہا تھا کہ میری شاہین سے بات ہوئی تھی تو میں نے اسے منع کیا تھا کہ ابھی آپ ایک،  دو سال رک جاؤ اور اپنی باؤلنگ پر بھرپور توجہ دو لیکن اس نے میری نہ سنی کیونکہ وہ بھی آفریدی ہے اور اس نے نہیں سننی تھی۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More