جوبائیڈن کی چین کے خلاف متحدہ محاذ بنانے کی تیاری

بول نیوز  |  May 13, 2022

امریکی صدر جوبائیڈن نے چین کے خلاف متحدہ محاذ بنانے کی تیاری شروع کردی ہے جن میں جنوب مشرقی ایشیائی ممالک شامل ہیں۔

غیر ملکی خبر رساں ادارے کے مطابق امریکی صدر جوبائیڈن نے وائٹ ہاؤس میں جنوب مشرقی ایشیائی ممالک کے سربراہان کا خیر مقدم کیا ہے۔

رپورٹ کے مطابق واشنگٹن ڈی سی میں دو روزہ اجلاس جمعرات سے شروع ہوگیا ہے جس میں جنوبی مشرقی ایشیائی ممالک کے سربراہان مختلف موضوعات پر بات چیت کریں گے۔

اجلاس میں تجارت، بحری سیکیورٹی اور موسمیاتی تبدیلیوں سمیت انسانی حقوق سے متعلق معاملات زیر غور آئیں گے جبکہ اس اجلاس کا مقصد بائیڈن انتظامیہ کی خارجہ پالیسی کے بنیادی اہداف میں سے ایک کو اجاگر کرنا بھی ہے جس میں چین کے خلاف متحدہ محاذ کی تشکیل بھی شامل ہے۔

رپورٹ میں کہا گیا ہے کہ امریکی صدر جوبائیڈن اس اجلاس کو چین کے خلاف متحدہ محاذ کے طور پر دکھانے کا ارادہ رکھتے ہیں۔

واضح رہے کہ صدارتی امیدوار کے طور پر بھی جوبائیڈن نے چین کو اپنی خارجہ پالیسی کا مرکز بنانے کا وعدہ کیا تھا جبکہ چین کا اقتصادی اور عسکری سطح پر بڑھتا ہوا اثر و رسوخ امریکہ کے لیے سب سے بڑا چیلنج ہے۔

دوسری جانب بائیڈن انتظامیہ کے ایک سینئر افسر کا کہنا ہے کہ ان دنوں صدر بائیڈن اور ان کی ٹیم کی تمام تر توجہ یوکرین پر مرکوز ہے تاہم صدر بائیڈن کی توجہ اب بھی چین پر ہے۔

رپورٹ کے مطابق صدر بائیڈن نہیں چاہتے کہ چین کا اثر و رسوخ جنوب مشرقی ایشیائی ممالک پر بڑھے جس کی وجہ سے وائٹ ہاؤس نے جنوب ایشائی ممالک کے لیے تقریباً 150 ملین ڈالر کی نئی سرمایہ کاری کا اعلان کیا ہے۔

سرمایہ کاری کے تحت امریکہ ان ممالک میں صاف توانائی کے منصوبون کے لیے 40 ملین ڈالر کی سرمایہ کاری کرے گا جبکہ بحری سیکیورٹی کے لیے 60 ملین ڈالرز کی سرمایہ کاری کا بھی وعدہ کیا ہے اور صحت کے شعبے میں 15 ملین ڈالرز خرچ کرنے کا اعلان کیا ہے۔

علاوہ ازیں امریکی صدر 20 سے 24 مئی کے دوران جاپان اور جنوبی کوریا کا دورہ کریں گے جبکہ دورے کے حوالے سے تفصیلات فراہم نہیں کی گئی ہیں تاہم امریکی صدر اس دوران بھارت، آسٹریلیا اور جاپان کے سربراہان سے بھی ملاقات کریں گے۔

مزید پڑھیں11 hours agoمغربی میڈیا خاتون صحافی کی قاتل اسرائیلی فورسز کا نام لینے سے کترانے لگا

مغربی میڈیا کا دوہرا معیار عیاں ہوگیا۔ اسرائیلی فورسز کی فائرنگ سے...

12 hours agoبھارت، چھتیس گڑھ میں ہیلی کاپٹر گر کر تباہ، دو پائلٹ ہلاک

بھارتی ریاست چھتیس گڑھ کے شہر رائے پور کے ائیرپورٹ پر ہیلی...

12 hours agoیورپ، کوویڈ سے اموات کی تعداد بیس لاکھ سے متجاوز

ادارہ برائے عالمی صحت کے مطابق خطے میں 218,225,294 رجسٹرڈ  کوویڈ کیسوں...

13 hours agoغیر جانبداری ترک کر کے فن لینڈ کا نیٹو اتحاد میں شامل ہونے کا فیصلہ

فن لينڈ نے نيٹو ميں شموليت کا فيصلہ کرلیا ہے ۔ روس...

14 hours agoپولیس کی نا اہلی یا غفلت، بندر تھانے سے اہم قتل کیس کے ثبوت لے اڑا

بھارت میں پولیس کی نااہلی اور غفلت کا انوکھا واقعہ پیش آیا...

15 hours agoسری لنکا بحران، رانیل وکرما سنگھے کی بطور وزیر اعظم واپسی، احتجاج جاری

سری لنکا میں راجا پاکسے کے استعفیٰ کے بعد رانیل وکرما سنگھے...

تازہ ترین نیوز پڑہنے کے لیے ڈاؤن لوڈ کریں بول نیوزایپ

General Rectangle – 300×250
مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More