آئی سی سی کی جانب سے جاری رینکنگ نے پاکستانیوں کو مایوس تو کیا ہی ساتھ ہی خوش بھی کر دیا ہے۔
کرکٹ کی دنیا کے سب سے بڑے ادارے آئی سی سی کی جانب سے جاری ٹی ٹوئنٹی کی رینکنگ میں پاکستان کے صرف دو کھلاڑی ہی جگہ بنا پائے۔
بیٹنگ کی رینکنگ میں پاکستان کے محمد رضوان 861 رنز کے ساتھ پہلے نمبر پر ہیں، جبکہ بھارت کے سریاکمار یادو 801 رنز کے ساتھ دوسرے نمبر پر تاہم پاکستانی ٹیم کے کپتان بابر اعظم 799 رنز کے ساتھ تیسرے نمبر پر آ گئے ہیں۔
دوسری جانب ٹی ٹوئنٹی بالنگ کی رینکنگ میں پاکستان کا کوئی بالر شامل ہی نہیں تھا، آسٹریلوی بالر جوش ہازلووڈ رینکنگ میں پہلے نمبر پر آگیا ہے۔ جبکہ دوسرے نمبر پر ساؤتھ افریقی کھلاڑی تبریز شمسی ہیں۔
جبکہ ٹی ٹوئنٹی میں آل راؤنڈر کی کیٹیگری میں افغانستان کے محمد نبی پہلے نمبر پر ہیں، جبکہ بنگلادیش کے ثاقب الحسن دوسرے نمبر پر ہیں۔ تیسرے نمبر پر انگلینڈ کے معین علی موجود ہیں۔