عامر لیاقت کی اہلیہ نے قبر کشائی کیلئے عدالت سے رجوع کر لیا

ہم نیوز  |  Oct 01, 2022

اسلام آباد: عامر لیاقت کی اہلیہ دانیہ بی بی نے ہائیکورٹ کے فیصلے اور قبر کشائی کے خلاف عدالت عظمیٰ سے رجوع کر لیا۔

عامر لیاقت کی اہلیہ دانیہ بی بی کی طرف سے سپریم کورٹ میں دائر کردہ درخواست میں مؤقف اپنایا گیا ہے کہ سندھ ہائیکورٹ کا فیصلہ قانون کی نظر میں برقرار نہیں رکھا جاسکتا۔ سندھ ہائیکورٹ نے ثبوتوں اور حقائق کا درست جائزہ نہیں لیا۔

درخواست میں مؤقف اختیار کیا گیا کہ عامر لیاقت کی طلاق یافتہ بیویاں قبر کشائی اور پوسٹ مارٹم نہیں کرانا چاہتیں۔ عامر لیاقت حسین کی موت کی وجہ جاننا ضروری ہے اور عامر لیاقت کی بیوی ہونے کے ناطے ان کی وفات کے بعد وارث ہوں۔

انہوں نے کہا کہ عامر لیاقت کے بچے اور بیویاں جائیداد و مال پر غیر قانونی قابض ہوچکے ہیں۔

یہ بھی پڑھیں: 

درخواست میں استدعا کی گئی کہ عدالت عظمیٰ سندھ ہائیکورٹ کا 12 ستمبر کا فیصلہ کالعدم قرار دیتے ہوئے جوڈیشل مجسٹریٹ کا فیصلہ بحال کرے اور عامر لیاقت کا پوسٹ مارٹم کرانے کے لیے قبر کشائی کی اجازت دے۔

درخواست میں ایڈیشنل سیشن جج، مجسٹریٹ اور سیکرٹری ہیلتھ سندھ سمیت دیگر کو فریق بنایا گیا ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More