دبئی میں ایوارڈ میلہ، پاکستانی اور بالی وڈ ستاروں کی شرکت

اردو نیوز  |  Nov 22, 2022

دبئی میں ’فلم فیئر مڈل ایسٹ اچیورز نائٹ‘ کا میلہ سجا جس نے ثابت کیا کہ فن کی کوئی سرحد نہیں ہوتی۔

سنیچر کی رات دبئی کے ورلڈ ٹریڈ سینٹر میں منعقد ہونے والے اس ایوارڈ شو میں نامور پاکستانی اور انڈین ستاروں نے شرکت کی اور مختلف کٹیگریز کے ایوارڈز اپنے نام کیے۔

پاکستانی اداکار ہمایوں سعید، فہد مصطفیٰ اور اداکارہ سجل علی کو پاکستانی انٹرٹینمنٹ انڈسٹری میں اپنی صلاحیتوں کا لوہا منوانے پر ایوارڈز سے نوازا گیا۔

سجل علی نے ’پاکستانی سینما کا مقبول ترین چہرہ‘ کا ایوارڈ وصول کرنے کے بعد کہا کہ ’میں ہمیشہ سے یہ چاہتی تھی کہ مجھے کبھی موقع ملے تو میں اس ایک شخص کا شکریہ ضرور ادا کروں گی، جنہوں نےمجھ پر سب سے پہلے یقین کیا اور پہلی بار مجھے بہت سارے لوگوں کے سامنے پرفارم کرنے کا موقع فراہم کیا۔‘

The actress was awarded with "Most popular face of Pakistani Cinema" award at Filmfare Middle East Achievers Night. Sajal started her acting career with a soap serial "Mehmood Abaad ki Malkayen" produced by Humayun Saeed. #SajalAly #HumayunSaeed pic.twitter.com/4qRszncdBf

— Pakistani Cinema (@PakistaniCinema) November 20, 2022

انہوں نے بتایا کہ ’وہ شخص جنہوں نے مجھے یہ موقع فراہم کیا وہ ہمایوں سعید تھے۔‘

اداکارہ سجل علی نے اپنے کیریئر کا آغاز 2011ء میں ڈرامہ سیریل ’محمودآباد کی ملکائیں‘ سے کیا تھا جو ہمایوں سعید کے پروڈکشن ہاؤس کی تخلیق تھا۔

ہمایوں سعید جب ایوارڈ وصول کرنے سٹیج پر آئے تو اس دوران ان کی انڈین کامیڈین بھارتی سنگھ کے ساتھ دلچسپ مکالمہ بھی ہوا۔

بھارتی سنگھ نے بتایا کہ وہ اور ان کے شوہر پاکستان جا کر کھانا کھانا چاہتے ہیں۔

This exchange had Humayun catching flights #HumayunSaeed #BhartiSingh (: @iamsarahshareef) pic.twitter.com/fAstEPtUmc

— Galaxy Lollywood (@galaxylollywood) November 19, 2022

انہوں نے ہمایوں سعید کی فلم ’لندن نہیں جاؤں گا‘ کا حوالہ دیتے ہوئے ازراہ مذاق پوچھا کہ ’کیوں نہیں جاؤں گا، ویزا نہیں لگا تھا کیا؟ بس بھئی اب نہیں کہنا لندن نہیں جاؤں گا۔‘ جس پر ہمایوں سعید نے انہیں کہا کہ میں انڈیا بھی جاؤں گا۔‘

انہوں نے ایوارڈ ملنے پر شکریہ ادا کرتے ہوئے کہا کہ ’میں گزشتہ 25 سالوں سے کام کر رہا ہوں اور آپ اب بھی مجھے برداشت کر رہے ہیں جو کہ ایک بہت بڑی کامیابی ہے۔‘

اداکار فہد مصطفیٰ نے پرامیسنگ سٹار ایوارڈ اپنے نام کیا اور بتایا کہ انہوں نے بالی وڈ اداکار گووندا کی وجہ سے اداکاری شروع کی۔

Fahad Mustafa accepts his award at Filmfare Middle East Achievers Night and talks about his origin story as an actor #FahadMustafa #Govinda pic.twitter.com/DEAozYYWgx

— Galaxy Lollywood (@galaxylollywood) November 19, 2022

بالی وڈ اداکار رنویر سنگھ نے’سپرسٹار آف ڈیکیڈ‘ ایوارڈ اپنا نام کیا اور اس موقع پر وہ جذباتی ہو گئے۔

انہوں نے کہا کہ ’میں وعدہ کرتا ہوں کہ میں اپنی زندگی کے آخر تک ​​تفریح فراہم کرتا رہوں گا۔‘

Superstar of the Decade!Thank you Filmfare Middle East for deeming my cinematic journey to be a glorious one. Honoured to receive this award in the presence of my parents & my screen idols. @filmfareme #gratitude #dreams #miracles #magic pic.twitter.com/8Q4tTAg783

— Ranveer Singh (@RanveerOfficial) November 20, 2022

اداکارہ جھانوی کپور کو ’دا رئیل یوتھ آئیکون‘ ایوارڈ سے نوازا گیا جبکہ بگ باس 13 سے شہرت کی بلندیوں پر پہنچنے والی انڈین اداکارہ و گلوکارہ شہناز گِل نے’رائزنگ سٹار‘ ایوارڈ حاصل کیا جسے انہوں نے آنجہانی اداکار سدھارتھ شکلا کے نام کیا۔

#JanhviKapoor wins the Youth Icon of Bollywood award at the Filmfare Middle East @filmfareme pic.twitter.com/zgBZeeYGhb

— Janhvi Kapoor Universe (@JanhviKUniverse) November 19, 2022

اداکارہ وانی کپور کو ’گیم چینجر آف شدا ایئر‘ ایوارڈ دیا گیا جبکہ بالی وڈ کی لیجنڈری اداکارہ ہیما مالنی نے ’لائف ٹائم اچیومنٹ ایوارڈ‘ جیتا۔

رنویر سنگھ اور سنی لیون نے اپنی شاندار پرفارمنس سے تقریب کو چار چاند لگا دیے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More