دسمبر میں پیدا ہونے والے افراد ہر جگہ اپنا نمایاں مقام بنانے میں کامیاب ہوجاتے ہیں۔ اس ماہ 22 تاریخ تک پیدا ہونے والے لوگ برج قوس جبکہ اس کے بعد جنم لینے والے برج جدی کے اندر آتے ہیں۔ آج کے اس آرٹیکل میں آپ کو اس مہینے پیدا ہونے والوں کی چند خصوصیات کے بارے میں بتائیں گے۔ اگر آپ بھی دسمبر میں اپنی سالگرہ مناتے ہیں تو اس آرٹیکل کو ذرا غور سے پڑھیں۔

تخلیقی صلاحیتوں سے مالا مال

سال کے بارہویں اور ٹھنڈے ترین مہینے میں پیدا ہونے والے کافی تخلیقی اور آرٹسٹک ذہن کے حامل ہوتے ہیں۔ اسی وجہ سے کئی مشہور اداکار بھی اسی مہینے میں اپنی سالگرہ مناتے ہیں۔ جس کی مثال میں ہالی وڈ کے بریڈ پٹ سے لے کر بھارت کے مشہور خان سلمان خان اور پاکستان کے مرحوم لیجنڈری اداکار معین اختر بھی شامل ہیں۔ کئی مشہور اور قابل لیڈر بھی اس مہینے میں پیدا ہوئے۔

دولت اور کامیابی

دسمبر میں پیدا ہونے والے کافی خوش نصیب ہوتے ہیں کیوں کہ انھیں کامیاب ہونے کے لئے دوسرو جتنی محنت نہیں کرنی پڑتی اور جلد ہی اپنی شخصیت کے جادو کی وجہ سے لوگوں کی آنکھوں میں نمایاں مقام بنا لیتے ہیں اسی خوبی کی وجہ سے دولت ہو یا شہرت یا پھر کامیابی ان کے قدم ہی چومتی ہے۔

غصے والے لیکن مخلص

کم گو اور تنہائی پسند ہوتے ہیں۔ ان کا آرٹسٹک ذہن ہمیشہ سوچ بچار میں مصروف رہتا ہے اسی وجہ سے اکثر انھیں لوگوں پر غصہ بھی آنے لگتا ہے مگر چونکہ دل کے صاف ہوتے ہیں اس لئے پرخلوص ہوتے ہیں۔ بہتر ہے کہ انھیں زیادہ تنگ نہ کیا جائے بلکہ جب یہ خود بات کرنا چاہیں تب ہی بات کی جائے۔