روسی صدر کے دورہ ترکیہ کی تاریخ پر ابھی تک اتفاق نہیں ہوا ، ترک صدر

انقرہ۔17اپریل (اے پی پی):ترکیہ کے صدر رجب طیب اردوان نے اس بات تصدیق کی ہے کہ وہ اپنے روسی ہم منصب ولادی میر پیوٹن کے ساتھ ترکیہ کے دورے کے لئے معاہدے پر پہنچ گئے ہیں تاہم ابھی تک دورے کی تاریخ پر اتفاق نہیں ہو سکا ہے۔

روسی خبر رساں ادارے تاس کے مطابق ترک صدر نے گزشتہ روز کبینہ اجلاس کے بعد بتایا کہ ہم نے روسی صدر کے ساتھ فون پر بات کی ہے لیکن ابھی تک ان کے ترکیہ کے دورے کی تاریخ پر اتفاق نہیں ہوا ہے۔ مجھے امید ہے کہ اس معاملے پر مزید ٹھوس معلومات جلد سامنے آئیں گی۔ قبل ازیں روسی صدارتی پریس سیکرٹری دمتری پیسکوف نے کہا کہ ولادیمیر پیوٹن کے دورہ ترکیہ کی تاریخ پر سفارتی ذرائع سے اتفاق کیا جائے گا ۔