چیمپیئنز ٹرافی کے پہلے میچ میں پاکستان نے ٹاس جیت کر فیلڈنگ کا فیصلہ کیا اور نیوزی لینڈ کو بیٹنگ کی دعوت دی۔
نیوزی لینڈ کی پہلی وکٹ 39 کے مجموعی اسکور پر گری، ڈیون کانوے 10 رنز بنا کر ابرار احمد کی گیند پر بولڈ ہوئے، دوسری وکٹ نسیم شاہ نے حاصل کی انہوں نے کین ولیمسن کو آئوٹ کیا، ولیمسن صرف ایک رنز بنا سکے، ان کا کیچ محمد رضوان نے تھاما۔
نیوزی لینڈ کی تیسری وکٹ ڈیرل مچل کی گری، انہوں نے دس رنز بنائے اور حارث رئوف کی گیند پر شاہین آفریدی نے ان کا کیچ پکڑا، اس طرح 73 کے مجموعی اسکور پر تین کھلاڑی پویلین لوٹ گئے۔
نیوزی نے 3 وکٹوں کے نقصان پر 105 رنز بنا لیے ہیں۔
پاکستان چیمپئنز ٹرافی کیلئے پوری طرح تیار ہے، محسن نقوی
کپتان محمد رضوان نے گفتگو کرتے ہوئے کہا کہ ٹرائی سیریز میں جو غلطیاں ہوئیں ان پر قابو پالیں گے۔ انہوں نے کہا کہ نیوزی لینڈ کی ٹیم کو کم سے کم رنز پر آؤٹ کرنے کی کوشش کریں گے۔ پاکستانی ٹیم میں ایک تبدیلی کی گئی ہے۔ فاسٹ باؤلر حارث رؤف کو اسکواڈ میں شامل کیا گیا ہے۔
واضح رہے کہ فاسٹ باؤلر حارث رؤف ٹرائے نیشن سیریز میں نیوزی لینڈ کے خلاف پہلے میچ میں ہی انجری کا شکار ہو گئے تھے۔
پاکستان پلینگ الیون میں فخر زمان، بابر اعظم، سعود شکیل، محمد رضوان، سلمان علی آغا، طیب طاہر، خوشدل شاہ، شاہین شاہ آفریدی، نسیم شاہ، حارث رؤف اور ابرار احمد شامل ہیں۔
پاکستان کیخلاف نیوزی لینڈ کی پلیئنگ الیون میں کپتان مچل سینٹنر ، ول ینگ، مائیکل بریسویل، ڈیون کانوے، ٹام لیتھم، کین ویلمسن، ڈیرل مچل، گلین فلپس، نیتھن اسمتھ ،میٹ ہینری اوروِل او رورکی شامل ہیں۔