News Search
Home News Dictionary TV Channels Names Weather Live Cricket Videos Photos Results Naats
Home Taza Tareen
برطانوی شہزادے نے امریکی اداکارہ کو شاہی محل مدعو کر لیا     باپ نے غیرت کے نام پر 15 سالہ بیٹی کو قتل کردیا     فیس بک پر جعلی اکاؤنٹ، شوہر نے بیوی کو گھر سے نکال دیا      وزیر داخلہ اپنی ضمانت کی فکر کریں , قمرزماں کائرہ      اشیائے خوردو نوش کی قیمتوں میں اضافے نے عوام کو پریشان کر دیاہے , سینیٹر سراج الحق     ایرانی صدر کی روسی ہم منصب سے ملاقات، دس اقتصادی سمجھوتوں پر دستخط      شاہ رخ خان اور اکشے کمار کی فلموں کے باکس آفس پر تصادم کا خدشہ پیدا ہوگیا     موبائل پر فیس بک میسنجر استعمال کرنیوالوں کیلئے بری خبر !     بھارت نے ممتا کلکرانی کو پکڑنے کیلئے انٹرپول سے مدد مانگ لی     شہرت نے تنہا کر دیا ہے: لیڈی گاگا     
Urdu News
Maulana Tariq Jamil
a
Naat Khawan
Amjad Sabri Farhan Ali Qadri
Fasih Uddin Soharwardi Ghulam Mustafa Qadri
Imran sheikh Attari Junaid Jamshed
Owais Raza Qadri Shahbaz Qamar Faridi
Syed Mohammad Furqan Qadri Ummeh Habiba
Waheed Zafar Qasmi Zulfiqar Ali
UrduWire Names Directory
Muslim Names Arabic Names
Muslim Boy Names Muslim Girl Names
Pictures Gallery
Dream World Water Park Resort Hotel Ticket & Membership Price 2017 Karachi Dream World Water Park Resort Hotel Ticket & Membership Price 2017 Karachi
Cleaning The Kaaba Area - One Of The Best Jobs In The World Cleaning The Kaaba Area - One Of The Best Jobs In The World
Hawksbay Beach Huts Picture & Contact Numbers For Booking Huts Hawksbay Beach Huts Picture & Contact Numbers For Booking Huts
View all Pictures

 

Home >> Urdu News >> Voice Of America Urdu
آرٹ اور انٹرٹینمنٹ Share your views
کراچی میں غیر ملکی فنکاروں کا میلہ سج گیا [وائس آف امریکہ اردو] 16 Mar, 2017

اس بار کا فیسٹیول 24 مختلف کھیلوں سے سجا ہے ۔ ڈراموں کی تعداد میں ہر سال اضافہ فیسٹیول میں لوگوں کی بڑھتی دلچسپی کا مظہر ہے ۔یہ فیسٹیول اب تک کا سب سے بڑا فیسٹیول ہے۔

کراچی اگلے تقریباً تین ہفتوں تک فلسطینی، نیپالی، امریکی اور جرمنی کے ٹاپ کلاس اسٹارز، کوریوگرافر، ڈانسر ز اور میوزیشنزکا مسکن بنا رہے گا۔

’نیشنل اکیڈمی آف پرفارمنگ آرٹس ‘ یعنی ناپا میں منعقد ہونے والا ’ بین الاقوامی تھیٹر اینڈ میوزک فیسٹیولـ ‘جمعرات سے شروع ہو گیا ہے۔

اگرچہ فیسٹیول میں بھارت کا کوئی تھیٹر گروپ شرکت نہیں کر رہا لیکن پہلی مرتبہ فلسطینی تھیٹر گروپ ’ فری ڈم ‘ اس میں پرفارم کر رہا ہے ۔

سولہ مارچ سے دو اپریل تک جاری رہنے والے اس فیسٹیول میں 24 کھیل پیش کئے جائیں گے جن میں سے بعض کھیل میوزیکل پرفارمنس ہیں۔

ناپا کے آرٹسٹک ڈائریکٹر زین احمد نے وائس آف امریکہ سے انٹرویو میں بتایا کہ تھیٹر فیسٹیولز کا سلسلہ سن 2012 سے شروع ہوا، پہلے سال چھ ڈرامے پیش کئے گئے تھے جبکہ اس بار کا فیسٹیول 24 مختلف کھیلوں سے سجا ہے۔ ڈراموں کی تعداد میں ہر سال اضافہ فیسٹیول میں لوگوں کی بڑھتی دلچسپی کا مظہر ہے۔ اس بار کا فیسٹیول اب تک کا سب سے بڑا فیسٹیول ہے۔

ناپا کے ہی پروگرام ڈائریکٹر ارشد محمود کا کہنا ہے ’’ تھیٹر فیسٹیول کا مقصد لوگوں کو زیادہ سے زیادہ گھروں سے نکال کر تھیٹر کی طرف لانا ہے اگر ہم لوگوں کو ٹی وی اسکرین کے سامنے سے ہٹا کر تھیٹر میں لے آئے تو یہ بڑی کامیابی ہے۔ کچھ سال پہلے تک تو یہ رجحان تھا ہی نہیں ۔‘‘

فیسٹیول میں پیش کئے جانے والے بیشتر مقامی کھیلوں کو ناپا میں آرٹس اور پرفارمنس کی تعلیم دینے والے ٹیچرز نے ڈائریکٹ کیا ہے جن میں اکبر اسلم، عظمیٰ سبین ،زین احمد اور ناپا سے گریجویٹ ہونے والے سنیل شنکر شامل ہیں۔

ان کھیلوں میں ’تحریک نسواں‘ کی بانی ،ڈائریکٹر اور سماجی کارکن اور معروف کلاسیکل ڈانسر شیما کرمانی کا ایک پلے ’’ گاؤں میں روشنی ‘‘بھی شامل ہے جیسے انور جعفری نے لکھا ہے اور ہی اس کے معاون ڈائریکٹر بھی ہیں۔

یکم اپریل کو پیش ہونے والے اس کھیل میں ایک جانب جاگیردار ہیں جن کے پاس پیسے کی طاقت ہے اور اثر و رسوخ کا نشہ ہے تو دوسری جانب مصیبتوں میں گھری بے آسرا اور غریب عورت ہے جسے حالات کی چکی میں پیسا جارہا ہے۔

انہی ڈراموں میں ایک پشتو ڈرامہ میں بھی اسٹیج کیا جارہا ہے جسے اسے روف آفریدی نے ڈائریکٹ کیا ہے۔

جہاں تک میوزک پرفارمنس کا سوال ہے ناپا کے میوزک فیکلٹی نفیس احمد کے مطابق’’ فیسٹیول میں اس بار کئی میوزیکل پرفارمنس بھی پیش کی جائیں گی۔ ان میں سرفہرست شاعر مشرق علامہ اقبال کا ’’جواب شکوہ ‘‘ہے ۔ ظاہر ہے کہ اس کھیلے میں اقبال کا کلام بھی پیش کیا جائے گا۔

نفیس احمد کے مطابق اس میں کچھ پرفارمنس ایسی بھی رکھی گئی ہیں جن میں قوالی،پاپ میوزک بھی شامل ہوگا جبکہ جرمن اور امریکی آرٹسٹ بھی پرفارم کریں گے ۔ جرمن کوریوگرافر اور ڈانسربھی اپنے فن کا مظاہرہ کریں گے۔

جمعرات کو پیش ہونے والی پہلی پرفارمنس جرمن آرٹسٹ بریجیل جوکا کی تھی جو ’’ ہوٹل پروپیگنڈا ‘‘ کے عنوان سے پیش کی گئی۔ جوکا کی ناپا میں یہ تیسری پرفارمنس تھی۔

فلسطینی گروپ جمعہ 18 مارچ کو پرفارمنس دے گا ۔ اس کے کھیلوں کی کہانی مختلف فلسطینی شہروں میں قائم کیمپوں میں پیش آنے والے واقعات سے متاثر ہوکر لکھی گئی ہیں ۔

نیپالی پروڈکشن کے تحت بھی ایک ڈرامہ پیش کیا جارہا ہے جسے گری گوری تھمپسن نے ڈائریکٹ کیا ہے۔ اس سے پہلے یہی کھیل لندن میں بھی اسٹیج ہو چکا ہے ۔ کراچی میں یہ چھبیس مارچ کو پیش ہوگا۔ کھیل نیپالی زبان میں ہی پیش ہوگا تاہم اس کا ترجمہ بھی ساتھ ساتھ پیش کیا جاتا رہے گا۔

زین احمد نے ایک سوال پر بتایا’’ اس بار بھی ویزا مسائل کی وجہ سے بھارت سے کسی بھی فنکار یا ڈائریکٹر کو نہیں بلوایا گیا کیوں کہ پچھلے سال ویزا مسائل پیش آئے تھے اور اس بار بھی بھارتی ڈائریکٹر، پروڈیوسر اور آرٹسٹ پاکستان نہیں آ سکے تھے۔ ان دونوں ممالک کے درمیان موجودہ حالات کو مد نظر رکھتے ہوئے یہی فیصلہ کیا گیا کہ بھارت سے کسی کو نہ بلایا جائے۔‘‘


View News As Image
Post Your Comments
Select Language:    
Type your Comments / Review in the space below.

Name: Email:(Will not be shown) City:
Enter The Code:

 
Home | About Us | Contact Us |  Profiles |  Privacy Policy & Disclaimer | What is Meta News?
Top Searches: Jang News Cricinfo Express Tribune,  , SSC Part 1 Results 2016   Dunya News Bol News Live Samaa News Live Metro 1 News Waqt News Hum TV PTV Sports Live KTN News
Disclaimer: Urduwire.com is only the source of Urdu Meta News (type of Google News) and display news on "as it is" based from leading Urdu news web based sources. If you are a general user or webmaster, and want to know how it works? Please read more!

UrduWire.com - First ever Urdu Meta News portal