رمضان المبارک کی شروعات کب ہوگی؟ عید الفطر کی بھی پیش گوئی کر دی گئی

ہماری ویب  |  Feb 26, 2021

سعودی عرب میں رمضان کی شروعات کی پیشگوئی، 13 اپریل کو پہلا روزہ متوقع۔

عرب میڈیا رپورٹس کے مطابق سعودی ماہر فلکیات پروفیسر عبداللہ المسند نے پیشگوئی کی ہے کہ سعودی عرب میں رواں سال 13 اپریل کو رمضان المبارک کا پہلا روزہ ہونے جبکہ 13 مئی کو عیدالفطر ہونے کا امکان ہے۔

سعودی ماہر فلکیات نے کہا ہے کہ اس کے بعد تین شعبان المعظم کو صبح 5 بج کر اکتیس منٹ پر چاند اور سورج کا ملاپ ہوگا، اس کے بعد اُمید ہے کہ رمضان المبارک کا چاند نظر آ جائے گا، پروفیسر کے مطابق اس دن منگل کا روز اور تاریخ 13 اپریل ہوگی۔

انہوں نے پیشگوئی کی کہ رواں سال انتیس رمضان المبارک کے روز چاند کے غروب ہونے کا وقت سورج سے 12 منٹ قبل ہونے کا امکان ہے۔

اس کے بعد چاند اور سورج کا ملاپ رات کو 10 بجے ممکن ہو سکتا ہے لیکن چاند نظر آنے کا امکان نظر نہیں آ رہا ہے، اس لئے رمضان المبارک 30 دن کا ہو سکتا ہے۔

واضح رہے کہ پروفیسر کی پیشگوئی کے مطابق سعودی عرب اور دیگر عرب ممالک میں عیدالفطر 13 مئی بروز جمعرات ہونے کا امکان ہے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More